Girl breaks 4 year silence: పాఠశాలలో అనుభవించిన క్షోభతో.. ఓ బాలిక మూణ్నాలుగేళ్లు వెక్కి వెక్కి ఏడ్చింది. పీటీ మాస్టర్ చేతిలో రెండు సార్లు అత్యాచారానికి గురైన ఆ బాధితురాలు.. తన బాధను ఎవరితో చెప్పుకోకుండా ఇన్నేళ్లు మౌనం దాల్చింది. ఇప్పుడదే కామాంధుడు తన చెల్లినీ వేధించేసరికి ఆక్రోశంతో.. పోలీస్ స్టేషన్ను ఆశ్రయించింది. రాజస్థాన్ నాగౌర్ జిల్లాలో జరిగిందీ ఘటన.
ఇదీ జరిగింది..
ఎఫ్ఐఆర్ ప్రకారం.. బాధితురాలు 2018లో 9వ తరగతి చదువుతున్న సమయంలో.. హరిరామ్(30) అనే వ్యక్తి ఆమెపై అత్యాచారం చేశాడు. ఖాళీగా ఉన్న ఓ క్లాస్రూంలోకి తీసుకెళ్లి ఈ దురాఘతానికి ఒడిగట్టాడు. 10వ తరగతి చదివే సమయంలో మరోసారి అత్యాచారం చేశాడు.
స్కూల్ మానేసిన బాలిక.. అప్పటి నుంచి భయం, బాధతో మానసిక క్షోభను అనుభవిస్తూ ఇంట్లోనే తల్లిదండ్రులతో కలిసి ఉంటోంది.
Teacher Molests Student: మార్చి 5న అదే ఉపాధ్యాయుడు.. బాధితురాలి సోదరిని లైంగికంగా వేధించాడు. కోపంతో రగిలిపోయిన ఆ బాలిక గతంలో తనకు జరిగిన విషయాన్ని.. తల్లిదండ్రులతో చెప్పింది. తన అంకుల్తో కలిసి నాగౌర్ పోలీస్ స్టేషన్లో ఫిర్యాదు చేసింది.
ఇద్దరు బాధితురాళ్ల వాంగ్మూలాలు నమోదుచేసుకున్న పోలీసులు.. నిందితుడిపై కేసు నమోదు చేసి దర్యాప్తు చేస్తున్నారు.
ఇవీ చూడండి: గర్భం దాల్చిందని పెళ్లి.. అది వద్దన్నందుకు భార్యపై హత్యాయత్నం!
ప్రేయసితో పదో తరగతి విద్యార్థి పరార్.. ఊరంతా టెన్షన్ టెన్షన్
