వ్యవసాయ చట్టాలను ఉపసంహరించినప్పటికీ(farm laws withdrawn) ఆందోళనలు కొనసాగుతాయని సంయుక్త కిసాన్ మోర్చా (ఎస్కేఎమ్) తేల్చిచెప్పింది. చట్టాలకు వ్యతిరేకంగా నిరసనలు (farmer protest) ప్రారంభించి ఏడాది గడుస్తున్న నేపథ్యంలో.. ఈ నెల 26న దేశంలో వివిధ ప్రాంతాల్లో నిర్వహించే ఆందోళనలకు రైతులు భారీ సంఖ్యలో తరలి రావాలని విజ్ఞప్తి చేసింది. ఆ రోజున.. ట్రాక్టర్లు, ఎడ్లబండ్లతో పరేడ్ నిర్వహిస్తామని వెల్లడించింది.
రైతుల డిమాండ్లు నెరవేరే వరకు నిరసనలు చేపడతామని ఎస్కేఎమ్ స్పష్టం చేసింది. భవిష్యత్ కార్యచరణ, కనీస మద్దతు ధరపై పోరాటానికి సంబంధించిన తుది నిర్ణయం ఆదివారం తీసుకుంటామని వెల్లడించింది. 'దాదాపు 670 మంది రైతులు బలిదానం చేసుకున్నారు. వారి కుటుంబాలకు నష్టపరిహారం ఇవ్వాలి. ఈ పోరాటానికి ఓ స్మారకాన్ని నిర్మించాలి. రైతులపై పెట్టిన కేసులను ఉపసంహరించుకోవాలి. ఈ నెల 29న పార్లమెంట్ సమావేశాల సందర్భంగా శాంతియుత ట్రాక్టర్ ర్యాలీలను నిర్వహిస్తాం. ఎమ్ఎస్పీ, విద్యుత్ బిల్లులను రద్దు చేసేవరకు ఇది కొనసాగుతుంది,' అని ఓ ప్రకటనలో ఎస్కేఎమ్ తెలిపింది.
ఈ నెల 22న నిర్వహిస్తున్న 'కిసాన్ మహాపంచాయత్'తో పెద్దసంఖ్యలో రైతులు పాల్గొనాలని విజ్ఞప్తి చేసింది.
ఇదీ చదవండి:'MSP డిమాండ్ నెరవేర్చితేనే రైతు ఉద్యమం ఆగుతుంది'
