ఆసుపత్రిలో చేరిన ఫరూక్​ అబ్దుల్లా

​నేషనల్​ కాన్ఫరెన్స్​ అధినేత ఫరూక్​ అబ్దుల్లా ఆసుపత్రిలో చేరారు. ఇటీవలే ఆయనకు కరోనా సోకింది. వైద్యుల సూచన మేరకు ఆసుపత్రికి తరలించినట్లు ఆయన కుమారుడు ఒమర్​ అబ్దుల్లా తెలిపారు.

జమ్ముకశ్మీర్​ మాజీ ముఖ్యమంత్రి, నేషనల్​ కాన్ఫరెన్స్​ అధినేత ఫరూక్​​ అబ్దుల్లా.. శ్రీనగర్ ఆసుత్రిలో చేరారు. మార్చి 30న ఆయనకు కరోనా పాజిటివ్​గా తేలింది. దీంతో ఇంట్లోనే చికిత్స తీసుకుంటున్నారు. వైద్యుల సలహా మేరకు ముందు జాగ్రత్తగా ఫరూక్​ను ఆసుపత్రిలో చేర్చినట్లు ఆయన కుమారుడు ఒమర్​ అబ్దుల్లా ట్విట్టర్​ వేదికగా తెలిపారు.

''కరోనా బారిన పడిన నా తండ్రికి మెరుగైన చికిత్స అందించేందుకు వైద్యుల సలహా మేరకు శ్రీనగర్ ఆసుపత్రికి తరలించాం. నాన్న త్వరగా కోలుకోవాలని ప్రార్థించిన ప్రతి ఒక్కరికీ, మా కుటుంబానికి మద్దతు తెలుపుతూ సందేశాలు పంపిన వారందరికీ కృతజ్ఞతలు.''

- ఒమర్​ అబ్దుల్లా

ఫరూక్​ అబ్దుల్లా త్వరగా కోలుకోవాలని ప్రధాని నరేంద్ర మోదీ సహా పలువురు ఆకాంక్షించారు.

ఫరూక్ అబ్దుల్లా మార్చి 2న కరోనా టీకా మొదటి డోసు తీసుకున్నారు.

ఇదీ చదవండి: ఫరూఖ్ అబ్దుల్లాకు కరోనా పాజిటివ్