తమిళనాడు దుండిగల్ జిల్లా వతల్కుండు సమీపంలో జరిగిన ఘోర రోడ్డు ప్రమాదంలో ఐదుగురు ప్రాణాలు కోల్పోయారు. బస్సు, వ్యాను ఢీకొన్న ఈ ఘటనలో మరో 62 మంది గాయపడ్డారు. క్షతగాత్రులను సమీపంలోని మధురై ప్రభుత్వ ఆస్పత్రికి తరలించినట్లు పోలీసులు వెల్లడించారు.
ఓ ప్రభుత్వ బస్సు, మిల్లు వర్కర్లతో ప్రయాణిస్తున్న వ్యాను పరస్పరం ఢీకొనడం వల్ల ఈ దుర్ఘటన జరిగింది. నలుగురు అక్కడికక్కడే ప్రాణాలు కోల్పోగా, మరొకరు చికిత్స పొందుతూ మృతిచెందారు. 16 మంది పరిస్థితి విషమంగా ఉంది.
టైరు పేలిన కారణంగా బస్సు అదుపు తప్పి వ్యాన్ను ఢీకొన్నట్లు సమాచారం.
ఇదీ చదవండి : అగ్ని ప్రమాదం- ఒకే కుటుంబంలో నలుగురు మృతి
