దిల్లీలోని సఫ్దార్ జంగ్ ఆస్పత్రిలో అగ్నిప్రమాదం జరిగింది. బుధవారం ఉదయం 6:30 ప్రాంతంలో ఐసీయూలో మంటలు అంటుకున్నాయి. ఫైర్, ఆస్పత్రి సిబ్బంది అప్రమత్తంగా వ్యవహరించి ఐసీయూలో ఉన్న 50 మంది రోగులను కాపాడారు. వారిని మరో వార్డుకు తరలించారు.
9 ఫైర్ ఇంజిన్లతో మంటలను అదుపు చేశారు ఫైరి సిబ్బంది. ఈ ఘటనలో ఎవరికీ ప్రాణాపాయం జరగలేదని అధికారులు తెలిపారు.
బట్టల దుకాణంలో మంటలు..
రఘుబర్పుర ప్రాంతంలోని ఓ బట్టల దుకాణంలో ఉదయం 8:15 సమయంలో అగ్ని ప్రమాదం సంభవించింది. మంటలను గమనించిన స్థానికులు ఫైర్ సిబ్బందికి సమాచారమిచ్చారు. 15 ఫైర్ ఇంజిన్లు రంగంలోకి దిగాయి.
ఈ ఘటనలో భారీగా ఆస్తి నష్టం వాటిల్లినట్లు అంచనా.
బట్టల దుకాణంలో మంటలు అదుపు చేస్తున్న ఫైర్ సిబ్బంది
రెండు చోట్ల అగ్ని ప్రమాదానికి కారణాలేమిటో ఇంకా తెలియాల్సి ఉంది.
ఇదీ చదవండి:భర్త కళ్ల ముందే భార్యపై గ్యాంగ్ రేప్
