Fake Notes Found In SBI : ఎస్బీఐలో నకిలీ నోట్లు లభ్యమవడం ఉత్తర్ప్రదేశ్లోని కాన్పుర్లో కలకలం రేపింది. పుఖారాయంలోని ఎస్బీఐ శాఖ నుంచి కొన్ని నకిలీ నోట్లను ఆర్బీఐకి పంపింది. దీనిని గమనించిన ఆర్బీఐ అధికారి.. పోలీసులకు సమాచారం అందించారు. అప్రమత్తమైన పోలీసులు.. సంబంధిత బ్యాంక్ అధికారులపై కేసు నమోదు చేసుకుని దర్యాప్తు చేపట్టారు.
ఇదీ జరిగింది
Fake Notes Caught In SBI Bank Today : భోగనిపుర్ పరిధిలోని పుఖారాయం ఎస్బీఐ శాఖ నుంచి కొంత నగదును రిజర్వ్ బ్యాంక్ ఆఫ్ ఇండియాకు పంపించారు. వీటిని ఆర్బీఐ అధికారులు పరిశీలించగా.. అందులో కొన్ని ఫేక్ నోట్లుగా తేలాయి. వెంటనే ఈ విషయంపై పూర్తి సమాచారం ఇవ్వాలంటూ పుఖారాయం శాఖను కోరింది. దీనిపై సంబంధిత బ్యాంక్ అధికారులు సరైన సమాధానం ఇవ్వలేదు. దీంతో ఆగ్రహించిన ఆర్బీఐ.. నేషనల్ క్రైమ్ రికార్డ్స్ బ్యూరోలో నమోదు చేసి పోలీసులకు సమాచారం ఇచ్చింది. దీంతో ఎస్బీఐ శాఖ అధికారులపై కేసు నమోదు చేశారు పోలీసులు. "రిజర్వ్ బ్యాంక్ ఆఫ్ ఇండియా సెక్షన్ మేనేజర్ ఐపీఎస్ గహ్లోత్ ఫిర్యాదుతో కేసు నమోదు చేశాం. వెంటనే దర్యాప్తు చేపట్టాం. ఫేక్ నోట్ల నిందితులను త్వరలోనే పట్టుకుంటాం" అని భోగనిపుర్ పోలీస్ స్టేషన్ ఇంచార్జ్ ప్రమోద్ కుమార్ శుక్లా తెలిపారు.
అన్నా.. చెల్లి.. ఓ 'నకిలీ నోట్ల తయారీ' కథా చిత్రమ్
Fake Currency Printing Gang Arrested in Hyderabad : ఆర్థిక సమస్యల నుంచి బయటపడేందుకు ఆ అన్నాచెల్లెళ్లు నకిలీ నోట్లు తయారు చేసి ఓసారి జైలుకెళ్లొచ్చారు. అయినా తీరు మార్చుకోకుండా.. రెండోసారి మరింత పెద్దఎత్తున తమ దందా కొనసాగించారు. విషయం తెలుసుకున్న చాంద్రాయణగుట్ట పోలీసులు, దక్షిణ మండల టాస్క్‌ఫోర్స్‌ పోలీసులు సంయుక్తంగా వీరి ఆట కట్టించి.. కటకటాల్లోకి నెట్టారు. వారి వద్ద నుంచి రూ.27 లక్షల విలువ చేసే నకిలీ నోట్లు, ల్యాప్‌టాప్, ప్రింటర్స్ స్వాధీనం చేసుకున్నారు. పూర్తి వార్త కోసం ఇక్కడ క్లిక్ చేయండి.
యూట్యూబ్లో చూసి నకిలీ కరెన్సీ ప్రింటింగ్.. అంతలోనే..!
Fake Currency: కలర్‌ ప్రింటర్తో నకిలీ నోట్లు.. పోలీసుల అదుపులో నిందితులు
