మాజీ మేయర్​ను కాల్చిచంపిన దుండగులు

బిహార్​లోని కతిహార్​ మాజీ మేయర్​ శివరాజ్​ పాసవాన్​ హత్యకు గురయ్యారు. గుర్తుతెలియని వ్యక్తులు పాసవాన్​పై కాల్పులు జరిపి పరారయ్యారు. ఆసుపత్రిలో చికిత్స పొందుతుండగా పాసవాన్​ మృతి చెందారు.

బిహార్​లోని కతిహార్​ పట్టణంలో దారుణం జరిగింది. నగర మాజీ మేయర్​ శివరాజ్​ పాసవాన్​ (45)ను గుర్తుతెలియని వ్యక్తులు దారుణ హత్య చేశారు. ద్విచక్రవాహనాలపై వచ్చిన దుండగులు.. శివరాజ్​పై కాల్పులు జరిపి పరారయ్యారు. ఈ ఘటన గురువారం జరిగింది.

తీవ్ర గాయాలు పాలైన పాసవాన్​ను అధికారులు స్థానిక ప్రభుత్వాసుపత్రికి తరలించారు. అయితే అప్పటికే పరిస్థితి విషమించడం వల్ల పాసవాన్​ మృతి చెందారు. ఈ ఘటనపై కేసు నమోదు చేసిన పోలీసులు.. పరారీలో ఉన్న నిందితుల కోసం గాలిస్తున్నారు. ఈ హత్య గల కారణాలు తెలియాల్సి ఉంది.

ఈ ఏడాది మార్చిలో తాత్కాలిక నగర మేయర్​గా ఎన్నికైన పాసవాన్​.. జూన్​ వరకు బాధ్యతలు చేపట్టారు.

ఇదీ చదవండి : కోతులకు విషం పెట్టి.. గోనెసంచుల్లో కుక్కి!