EVM Troubles Across Telangana 2023 : తెలంగాణ శాసనసభ ఎన్నికల పోలింగ్ (Telangana Assembly Elections polling) కొనసాగుతోంది. ఉదయం నుంచి ఓటర్లు పోలింగ్ కేంద్రాలకు వచ్చి ఓటు హక్కు వినియోగించుకుంటున్నారు. అయితే పలు చోట్ల ఈవీఎంలు మొరాయింపుతో కాసేపు పోలింగ్ నిలిచిపోవడంతో.. ఓటర్లు ఇబ్బంది పడ్డారు. యాదాద్రి భువనగిరి జిల్లా చౌటుప్పల్‌ 33వ నెంబర్ పోలింగ్ బూత్‌లో ఈవీఎం పనిచేయలేదు. చౌటుప్పల్‌ మండలం కొయ్యలగూడెంలోని 63వ నంబర్ పోలింగ్ బూత్‌లో ఈవీఎం మొరాయించింది.
జనగామ జిల్లా స్టేషన్‌ఘన్‌పూర్ డివిజన్ కేంద్రంలోని 117వ బూత్‌లో, హైదరాబాద్ జూబ్లీహిల్స్‌లోని బీఎస్‌ఎన్‌ఎల్‌ పోలింగ్ బూత్ 153లో ఓటింగ్ యంత్రాలు పనిచేయలేదు. అధికారులు తక్షణమే స్పందించి దానిని సరి చేశారు. సికింద్రాబాద్‌లోని.. కంటోన్మెంట్ నియోజకవర్గం రెజిమెంటల్ బజార్‌లోని ప్రభుత్వ ఉన్నత పాఠశాలలో బూత్ నెంబర్ 209లో ఈవీఎం మొరాయింపుతో.. ఓటర్లు ఇబ్బంది ఎదుర్కొన్నారు. పోలింగ్ ఆలస్యంపై వారు అసంతృప్తి వ్యక్తం చేశారు.
ఓటు వేసేందుకు క్యూ ఎంత ఉంది - ఎంత సమయం పడుతుందో తెలుసుకోవచ్చు : సీఈఓ వికాస్రాజ్
Telangana Assembly Elections polling 2023 : వరంగల్ జిల్లా వర్ధన్నపేట మండలం దమ్మన్నపేటలోని 199వ బూత్‌లో ఈవీఎం మొరాయించింది. దీంతో గంట ఆలస్యంగా పోలింగ్ ప్రారంభమైంది. అలాగే రాయపర్తి మండల కేంద్రంలోని 169 బూత్‌లో.. నల్గొండ జిల్లా మిర్యాలగూడలోని బంగారుగడ్డలో గల 120 నెంబర్ పోలింగ్ బూత్‌లో ఓటింగ్ యంత్రాలు పనిచేయలేదు. సుమారు గంట పాటు ఓటర్లు క్యూలైన్లలో ఉన్నారు. వెంటనే సమస్యను పరిష్కరించి తమ ఓటు వేసే విధంగా చర్య తీసుకోవాలని వారు అధికారులను కోరారు.
విధులతో పాటు బాధ్యతనూ నిర్వర్తిస్తాం - ఓటెత్తిన ప్రభుత్వాధికారులు
