జమ్ముకశ్మీర్ బారాముల్లా జిల్లాలో భద్రతా బలగాలు, ముష్కరుల మధ్య ఎన్కౌంటర్ జరిగింది. ఇద్దరు లష్కరే తొయిబా ముష్కరులు హతమయ్యారు.
సోపోర్ ప్రాంతంలోని నాతిపొరాలో ఉగ్రవాదులు ఉన్నారనే పక్కా సమాచారంతో సిబ్బంది తనిఖీలు నిర్వహించారు. ఈ క్రమంలో ముష్కరులు కాల్పులకు తెగబడ్డారు. దీంతో భద్రతా సిబ్బంది ఎదురుకాల్పులు జరిపారు.
భద్రతా దళాలు మట్టుబెట్టిన వారిలో ఓ విదేశీ ముష్కరుడు ఉన్నట్లు అధికారులు తెలిపారు. గతంలో అతడు ఇద్దరు కౌన్సిలర్లు, ఓ పోలీసును చంపాడని సైన్యాధికారులు తెలిపారు.
ఇదీ చూడండి: సెక్యూరిటీ తెగువ.. చోరీకి వచ్చిన దుండగులు పరార్
