తమిళనాడులో అసెంబ్లీ ఎన్నికలు సమీపిస్తున్న వేళ.. భారీ ఎత్తున బంగారం బయటపడింది. చెన్నై రైల్వే స్టేషన్లో అక్రమంగా తరలిస్తున్న 8 కిలోల పసిడిని అధికారులు స్వాధీనం చేసుకున్నారు.
కోయంబత్తూర్ నుంచి చెన్నై సెంట్రల్ రైల్వే స్టేషన్కు చేరుకున్న రైల్లో తనిఖీలు చేపట్టింది రైల్వే భద్రతా సిబ్బంది. ఈ క్రమంలో దిలీప్ కుమార్ అనే ప్రయాణికుడి బ్యాగ్లో 8 కిలోల బంగారాన్ని గుర్తించింది. దిలీప్ను విచారించగా.. సరైన పత్రాలు చూపలేదు. ఆ పుత్తడిని స్వాధీనం చేసుకొని ఎన్నికల అధికారులకు అప్పగించింది.
ఇదీ చదవండి: తదుపరి సీజేఐగా జస్టిస్ రమణ!
రూ.కోటి నగదు స్వాధీనం
ఆ రాష్ట్రంలోనే మరోచోట సుమారు కోటి రూపాయల నగదు పట్టుబడింది. శ్రీరంగం-పేట్టవైతలై రహదారి మార్గంలో చేపట్టిన తనిఖీల్లో అక్రమంగా తరలిస్తున్న ఈ సొమ్మును.. ఎన్నికల కమిషన్ స్వాధీనం చేసుకుంది.
నగదు స్వాధీనం చేసుకున్న ఆ వాహనంపై ఓ రాజకీయ పార్టీకి చెందిన జెండా, ఓ అసెంబ్లీ నియోజకవర్గ అభ్యర్థికి చెందిన స్టిక్కర్ ఉన్నట్టు గుర్తించారు అధికారులు. ఆ సమయంలో అందులో నలుగురు వ్యక్తులు ఉన్నట్టు తెలిపిన పోలీసులు.. సంబంధిత సొమ్ముకు వారు ఎలాంటి ఆధారాలూ చూపలేదని చెప్పారు. ఈ కేసును ఆదాయపు పన్ను శాఖకు అప్పగిస్తున్నట్టు వివరించారు.
ఇదీ చదవండి: కొవిడ్‌ నీడలో.. 5 రాష్ట్రాల్లో ఎన్నికలకు ఈసీ సన్నద్ధం!
