Dream11 One Crore Winner : డ్రీమ్ 11.. చాలా మందికి తెలిసిన పేరే. ఇందులో డబ్బులు గెలుచుకోవాలని ఎంతో మంది ప్రయత్నిస్తుంటారు. తమ అంచనాల నైపుణ్యాన్ని ప్రదర్శిస్తూ తొలిస్థానంలో నిలిచి జాక్పాట్ కొట్టాలని భావిస్తుంటారు. కానీ, అతికొద్ది మందికే అలాంటి అవకాశం లభిస్తుంటుంది. ఈ కోవకు చెందిన ఓ సబ్ ఇన్స్పెక్టర్ రాత్రికిరాత్రే రూ.కోటికిపైగా కొల్లగొట్టారు.
రాత్రికి రాత్రే కోటీశ్వరుడిగా మారిన ఎస్సై..
1 Crore Winner In Dream11 : మహారాష్ట్రలోని పింప్రి చించ్వాడ్ పోలీస్ కమిషనరేట్కు చెందిన సోమ్నాథ్ జెండే.. ఒక్కరోజులోనే కోటీశ్వరుడయ్యారు. డ్రీమ్ 11లో రూ.1.5 కోట్లు గెలుచుకున్నారు. మూడు నెలలుగా సోమ్నాథ్ డ్రీమ్ 11లో తన అదృష్టాన్ని పరీక్షించుకుంటున్నారు. భారత్ వేదికగా జరుగుతున్న వన్డే ప్రపంచకప్లో భాగంగా మంగళవారం జరిగిన ఇంగ్లాండ్- బంగ్లాదేశ్ మ్యాచ్లో సోమ్నాథ్ బెట్టింగ్ వేశారు. మ్యాచ్లో ఉత్తమంగా ఆడిన ప్లేయర్లతోనే టీమ్ను ఎంపిక చేసుకున్న ఆయన.. ఫాంటసీ గేమ్లో అగ్రస్థానంలో నిలిచి రూ.1.5 కోట్లు గెలుచుకున్నారు. దీంతో ఆయన కుటుంబంలో సంతోషకరమైన వాతావరణం నెలకొంది. ఈ క్రమంలో ఒకరికొకరు మిఠాయిలు పంచుకుంటూ సంబరాలు చేసుకున్నారు.
"కొన్ని నెలలుగా డ్రీమ్ 11లో అదృష్టాన్ని పరీక్షించుకుంటున్నాను. ఇంతవరకు సక్సెస్ కాలేకపోయాను. మంగళవారం కూడా డ్రీమ్ 11 టీమ్ను ఎంచుకున్నాను. ఆ తర్వాత నా టీమ్లో టాప్లోకి వచ్చింది. వెంటనే రూ.1.5 కోట్ల గెలుచుకున్నట్లు మెసేజ్ వచ్చింది. మొదట దానిని నమ్మలేదు. తర్వాత నమ్మాను. మొత్తానికి చాలా సంతోషంగా ఉంది" అని సోమ్నాథ్ జెండే తెలిపారు.
రూ.2 కోట్లు గెలుచుకున్న యువకుడు..
కొద్దిరోజుల క్రితం.. జమ్ముకశ్మీర్కు చెందిన ఓ యువకుడు రాత్రికి రాత్రే కోటీశ్వరుడు అయ్యాడు. ఆన్లైన్ క్రికెట్ బెట్టింగ్ యాప్ డ్రీమ్ 11లో పందెం వేసి 2 కోట్ల రూపాయలు గెలుచుకున్నాడు. కశ్మీర్లోని బిజబిహారకు చెందిన వసీం రాజా గత రెండేళ్లుగా డ్రీమ్11 లో క్రికెట్, హాకీ, ఫుట్బాల్, కబడ్డీ, బాస్కెట్బాల్ క్రీడల్లో బెట్టింగ్ వేసేవాడు. ఎప్పటిలాగే బెట్టింగ్ వేయగా అదృష్టం వరించి రెండు కోట్ల రూపాయలను గెలుచుకున్నాడు. ఈ పూర్తి వార్త కోసం ఇక్కడ క్లిక్ చేయండి.
డ్రీమ్ 11లో ఆటో డ్రైవర్కు జాక్పాట్.. రూ.39తో కోటి సొంతం.. బ్యాంక్ అకౌంట్ లేక..
నిన్నటి వరకు అతి సామాన్యుడు.. డ్రీమ్11తో ఒక్కసారిగా లైఫ్ టర్న్.. రూ.కోటి జాక్పాట్!
రూ.49తో డ్రీమ్11లో బెట్టింగ్.. గిరిజనుడికి కోటి జాక్పాట్!
