Doctor Suicide News: 9 నెలల కూతురు తన రొమ్ముపాలు తాగడం లేదని మనస్తాపానికి గురైన ఓ డాక్టర్ ఉరి వేసుకుని ఆత్మహత్య చేసుకుంది. ఈ ఘటన కర్ణాటక మైసూర్లోని గుండురావ్ నగర్లో జరిగినట్లు పోలీసులు తెలిపారు. చనిపోయిన ఆమెను డా. అర్పితగా గుర్తించారు. అర్పిత భర్త కూడా వైద్యుడే అని పేర్కొన్నారు.
ఇదీ జరిగింది..
పోలీసుల కథనం ప్రకారం... అర్పితకు ఐదేళ్ల కిందట వివాహం అయ్యింది. పెళ్లి అయిన నాలుగేళ్ల తరువాత ఓ బిడ్డకు జన్మనిచ్చింది. ప్రస్తుతం ఆ చిన్నారికి 9 నెలలు ఉంటాయి. అయితే గత 15 రోజులుగా ఆ చిన్నారి అమ్మ చనుబాలు తాగడం లేదు. దీంతో మనస్తాపానికి గురైన అర్పితా సోమవారం ఇంట్లో ఎవరూ లేని సమయం చూసి ఉరేసుకుంది.
అర్పిత కుటుంబ సభ్యులు పోలీసులకు ఫిర్యాదు చేశారు. విద్యారణ్యపురం పోలీస్ స్టేషన్లో కేసు నమోదు చేసిన పోలీసులు.. దర్యాప్తు చేస్తున్నారు.
ఇదీ చూడండి: మతిస్థిమితం సరిగాలేని బాలికపై గ్యాంగ్ రేప్
