5-18 ఏళ్ల లోపు వారి కోసం హైదరాబాద్కు చెందిన బయోలాజికల్-ఈ లిమిటెడ్ రూపొందించిన స్వదేశీ కొవిడ్-19 వ్యాక్సిన్ 2-3 దశల క్లినికల్ ట్రయల్స్కు ఆమోదం లభించింది. డ్రగ్స్ కంట్రోలర్ జనరల్ ఆఫ్ ఇండియా(డీసీజీఐ) అనుమతించినట్లు సంస్థ వర్గాలు తెలిపాయి.
డీజీసీఐ నిబంధనల మేరకు రెండు, మూడు దశ క్లినికల్ ట్రయల్స్ నిర్వహించనున్నట్లు సంస్థ వర్గాలు తెలిపాయి. కొవిడ్-19పై ఏర్పాటైన నిపుణుల కమిటీ (ఎస్ఈసీ) సిఫార్సుల మేరకు డీసీజీఐ అనుమతించినట్లు చెప్పారు.
12-18 ఏళ్ల లోపు వారికి ఇచ్చేందుకు రూపొందించిన జైడస్ క్యాడిలా నీడిల్ ఫ్రీ వ్యాక్సిన్ జైకోవ్-డీ అత్యవసర వినియోగానికి ఇటీవలే అనుమతించింది డీజీసీఐ. మరోవైపు.. 2-18 ఏళ్ల వారిపై కొవాగ్జిన్ క్లినికల్ ట్రయల్స్ జరుగుతున్నాయి.
