Devi Navratris 2023 What To Wear and Pooja Schedules To Follow in telugu : దేశమంతటా నవరాత్రి ఉత్సవాల వాతావరణం అలుముకుంటోంది. దేవీ ఉత్సవాల ఘనంగా నిర్వహించేందుకు భక్తజనం సిద్ధమవుతున్నారు. అమ్మవారిని ఆరాధించడానికి ఈ శరన్నవరాత్రులు అత్యంత పవిత్రమైనవి. ఆశ్వీయుజ శుద్ధ పాడ్యమి నుంచి దశమి వరకు పది రోజుల పాటు దుర్గాదేవి వివిధ రూపాల్లో దర్శనమిస్తారు. భక్తులు ఈ సమయంలో పూర్తి ఆచార వ్యవహారాలతో, నియమ నిష్టలతో, భక్తి శ్రద్ధలతో అమ్మవారిని పూజిస్తారు. దుర్గాదేవిని హృదయపూర్వకంగా ఆరాధించే భక్తులకు అమ్మవారి ఆశీస్సులు ఎల్లప్పుడూ ఉంటాయని నమ్ముతారు. ఈ ప్రత్యేక రోజుల్లో(Navratris 2023) అందరికీ ఆయురారోగ్య ఐశ్వర్యాలను కలిగించే జగన్మాతను.. తొమ్మిది రోజులు ఏ రూపంలో కొలవాలి..? పూజా సమయంలో ఏ రంగు దుస్తువులు ధరించాలి? మరిన్ని పూర్తి వివరాలు ఇప్పుడు ఈ స్టోరీలో తెలుసుకుందాం.
Sharad Navratris 2023 : ప్రతి ఏడాది లాగే ఈ సంవత్సరం శారదీయ నవరాత్రి ఉత్సవాలు(Shardiya Navratris 2023) అక్టోబర్ 15, ఆదివారం నుంచి ప్రారంభం కానున్నాయి. అక్టోబర్ 24, మంగళవారం వరకు ఈ ఉత్సవాలు జరగనున్నాయి. ఇప్పటికే దేశవ్యాప్తంగా పట్టణాలు, పల్లెలు దేవీ శరన్నవరాత్రులకు ముస్తాబవుతున్నాయి. ఈ నవరాత్రుల సమయంలో దుర్గాదేవీని తొమ్మిది వేర్వేరు రూపాల్లో అత్యంత భక్తి శ్రద్ధలతో పూజిస్తారు. చాలా మంది భక్తులు దుర్గా దేవిని పూజిస్తూ అఖండ జ్యోతిని వెలిగిస్తారు. అలాగే ఈ కాలంలో ఉపవాసం కూడా ఉంటారు. అదేవిధంగా నవరాత్రి పూజల సమయంలో 9 రోజులు తొమ్మిది రంగుల వస్త్రాలు ధరించి అమ్మవారి కొలుస్తే మరిన్ని శుభ ఫలితాలు చేకూరుతాయని భక్తులు ప్రగాఢ విశ్వాసం. ఇంతకీ ఏయే రోజు ఏ ఏ రంగు దుస్తువులు ధరించాలో ఇప్పుడు చూద్దాం..
Which Colour Clothes to Wear During Navratris 2023 Nine Days :
నవరాత్రి 2023 తొమ్మిది రోజులలో ఎలాంటి రంగుల బట్టలు ధరించాలో ఇప్పుడు తెలుసుకుందాం..
మొదటి రోజు : నవరాత్రులలో భాగంగా మొదటి రోజు అమ్మవారిని శైలపుత్రి దేవిగా పూజిస్తారు. శైలపుత్రి దేవికి పసుపు రంగు అంటే చాలా ఇష్టం. అందువల్ల.. ఈ రోజు పసుపు ధరించడం అదృష్టమని చెబుతుంటారు. పసుపు వర్ణం అదృష్టం, ఆనందాన్ని తీసుకొస్తుంది.
రెండో రోజు : నవరాత్రి రెండో రోజున దుర్గాదేవిని దేవి బ్రహ్మచారిణిగా పూజిస్తారు. ఆకుపచ్చ రంగు ఈ అమ్మవారికి అత్యంత ఇష్టం. కాబట్టి రెండో రోజున ఆకుపచ్చని వస్త్రాలను ధరించడం వల్ల కోరిన కోరికలు నెరవేరుతాయని భక్తుల నమ్మకం.
మూడో రోజు : మూడో రోజు చంద్రఘంటా దేవి దుర్గాదేవిగా భావిస్తూ ఆమెను పూజిస్తారు. ఈ రోజు బ్రౌన్ కలర్ దుస్తులు ధరించడం అదృష్టంగా భక్తులు భావిస్తారు.
నాలుగో రోజు : నవరాత్రి నాలుగో రోజున అమ్మవారిని దేవి కూష్మాండ రూపంలో అమ్మవారిని పూజిస్తారు. ఈ రోజున భక్తులు నారింజ రంగు దుస్తులు ధరించి కూష్మాండ దేవిని పూజించాలని చెబుతారు. ఈ రంగు ప్రకాశం, జ్ఞానం, ప్రశాంతతను సూచిస్తుంది.
ఐదో రోజు : నవరాత్రులలో భాగంగా ఐదో రోజున స్కంధమాతా దేవిగా పూజిస్తారు. ఈ రోజు పూజ చేసేటప్పుడు తెల్లని దుస్తులు ధరించాలి. ఎందుకంటే.. తెలుపు రంగు స్వచ్ఛతను సూచిస్తుంది.
ఆరో రోజు : ఆరో రోజు దుర్గాదేవిని కాత్యాయనీ దేవిగా పూజిస్తారు. కాత్యాయని దేవికి ఎరుపు రంగు అంటే చాలా ఇష్టం. అందువల్ల. ఈ రోజున భక్తులు ఎర్రని వస్త్రాలు ధరించి అమ్మవారిని పూజించి దీవెనలు పొందాలి.
ఏడో రోజు : నవరాత్రులలో ఏడో రోజు దేవి కాలరాత్రినిగా పూజిస్తారు. ఈ రోజున భక్తులు మా కాళరాత్రిని పూజించడానికి నీలం రంగు దుస్తులు ధరించడం శ్రేయస్కరం.
ఎనిమిదో రోజు : నవరాత్రుల ముఖ్యమైన రోజులలో అష్టమి ఒకటి. దుర్గాదేవి ఎనిమిదో రూపమైన మహాగౌరిని ఈ రోజున పూజిస్తారు. భక్తులు అమ్మవారిని ఆరాధించేటప్పుడు నిగూఢమైన గులాబీ రంగు దుస్తులను ధరించాలి. ఇది ఆశ, స్వీయ-శుద్ధి, సామాజిక ఉద్ధరణను సూచిస్తుంది.
తొమ్మిదో రోజు : నవరాత్రులలో చివరిరోజైన తొమ్మిదో రోజు అమ్మవారి తొమ్మిదో రూపం సిద్ధిదాత్రి దేవిని పూజిస్తారు. సకల సిద్ధుల పుత్రిక అయిన సిద్ధిదాత్రి పూజకు విశిష్టమైన విశిష్టత ఉంది. ఈ రోజున ఊదా రంగు దుస్తులు ధరించడం శుభప్రదంగా భావిస్తారు.
