మద్యం కోసం డబ్బులు ఇవ్వలేదని తన స్నేహితులిద్దరిని కత్తితో గాయపరిచిన ఓ 17 ఏళ్ల బాలుడిని పోలీసులు శుక్రవారం అరెస్ట్ చేశారు. గాయపడిన ఇద్దరు దిల్లీ సమీపంలోని బిందాపుర్కు చెందిన సందీప్, ఓంలుగా పోలీసులు గుర్తించారు. ఈ ఘటన జరుగుతున్నప్పుడు నిందితుని వెంట మరో ఇద్దరు కూడా ఉన్నట్లు పేర్కొన్నారు. అయితే ప్రస్తుతం వారు పరారీలో ఉన్నట్లు తెలిపారు.
ఈ దాడిలో గాయపడిన సందీప్ అనే యువకుడి శరీరంలో 7 కత్తిపోట్లు దిగినట్లు అధికారులు తెలిపారు. చేతికి, నడుముపై ప్రధానంగా గాయాలైనట్లు పేర్కొన్నారు. అయితే అతని ఆరోగ్యం నిలకడగా ఉందని చెప్పారు. మరో యువకుడు ఓం ఆసుపత్రి నుంచి డిశ్ఛార్జి అయ్యారని వివరించారు. జులై 24న దిల్లీలో జరిగిన ఈ ఘటన ఆలస్యంగా వెలుగులోకి వచ్చింది.
ఇదీ జరిగింది..
సందీప్, ఓం స్కూటర్పై వెళ్లుండగా వారిని నిందితుడు బిందాపుర్లో కలిశాడు. మద్యం తాగడానికి రూ. 50 అడిగాడు. అందుకు సందీప్ నిరాకరించడం వల్ల అతనితో ఉన్న మరో ఇద్దరు వ్యక్తులతో కలిసి కత్తితో దాడికి దిగారు. ఈ క్రమంలోనే నిందితుడు వారిని కత్తితో పొడిచి గాయపరిచాడు. మిగిలిన ఇద్దరు మిత్రులు అక్కడి నుంచి పరారయ్యారు.
నిందితుడు మరో 5 ఇతర కేసుల్లో కూడా ముద్దాయిగా ఉన్నట్లు పోలీసులు తెలిపారు.
ఇదీ చూడండి: ఎయిర్పోర్టులో కలకలం- ఒకేసారి ఆరు తుపాకులతో...
