డీమార్ట్ పేరిట రిటైల్ వ్యాపారాన్ని నిర్వహిస్తున్న అవెన్యూ సూపర్మార్ట్స్ లిమిటెడ్‌ నాలుగో త్రైమాసిక ఫలితాల్లో అదరగొట్టింది. నికర లాభం 52.6 శాతం పెరిగి.. రూ.413.9 కోట్లకు చేరుకుందని తెలిపింది. ఇక 2021 జనవరి-మార్చి మధ్య.. ఆదాయం 18.47 శాతం పెరిగి రూ.7,411.68 కోట్లకు చేరుకుంది. అంతకుముందు ఇది రూ.6,255.93 కోట్లుగా ఉంది. గతేడాది ఇదే త్రైమాసికంలో కంపెనీ నికర లాభం రూ.271.28 కోట్లుగా ఉన్నట్లు బీఎస్‌ఈకి ఇచ్చిన సమాచారంలో సంస్థ పేర్కొంది.
డీ-మార్ట్ లాభాలు..
- ఈ ఆర్థిక సంవత్సరంలో ఆదాయ 2.92 శాతం తగ్గి.. రూ.24,143.06 కోట్లకు చేరుకుంది. ఇది 2019-20లో రూ .24,870.20 కోట్లుగా ఉంది.
- స్టాండ్అలోన్ ఆధారిత కార్యకలాపాల్లో కంపెనీ నికర లాభం 51.62 శాతం వృద్ధితో రూ.434.95 కోట్లకు చేరింది.
- ఈ త్రైమాసికంలో ఆదాయం 17.92 శాతం పెరిగి.. రూ 7,303.13 కోట్లకు చేరింది. గతేడాది ఇది 6,193.53 కోట్లుగా ఉంది.
- మొత్తంగా.. 2020-21 ఆర్థిక సంవత్సరంలో అవెన్యూ సూపర్మార్ట్స్ నికర లాభం 15.5 శాతం తగ్గి.. రూ.1,099.43 కోట్లకు చేరుకుంది. అంతకుముందు సంవత్సరంలో ఇది రూ.1,300.98 కోట్లుగా ఉంది.
"కరోనా కారణంగా విధించిన కఠినమైన లాక్‌డౌన్ వల్ల డీ-మార్ట్ వ్యాపారం సవాలుగా ఉంది. అయితే 2020-21లో.. వడ్డీలు, రుణభారం తగ్గాయి."
-నివెల్లీ నోరోన్హా, అవెన్యూ సూపర్మార్ట్స్ సీఈఓ, ఎండీ
ఇవీ చదవండి: డీమార్ట్ అధిపతికి రూ.1000 కోట్ల ఇల్లు!
