cow smugglers in Gurugram: గోవులను అక్రమ రవాణా చేస్తున్న ఓ ముఠాను పట్టుకుని పోలీసులకు అప్పగించారు గోరక్షకులు. ఈ ఘటన శనివారం ఉదయం హరియాణాలోని గురుగ్రామ్లో జరిగింది. అయితే ఇది అంత సులువుగా జరగలేదు. స్మగ్లర్లకు, గోరక్షకులకు మధ్య పెద్ద ఛేజింగ్ సీన్ జరిగింది. స్మగ్లర్లు ప్రయాణిస్తున్న వాహనంపై గోరక్షకులు కాల్పులు జరిపారు. దీంతో వారి వాహనం టైరు ఊడిపోయింది. అయినా నిందితులు ఆగకుండా 22 కిలోమీటర్లు మేర టైరు లేని వాహనంతోనే ప్రయాణించారు. ఆ సమయంలో స్మగ్లర్ల వాహనం నుంచి ఒక గోవు కింద పడిపోయింది.
నిందితులను గామ్డొజ్ టోల్ప్లాజా వద్ద గోరక్షకులు పట్టుకున్నారు. ఏడుగురిలో ఇద్దరు తప్పించుకోగా మిగతా ఐదుగురిని పోలీసులకు అప్పగించారు. హరియాణా ప్రభుత్వం.. గోవులను అక్రమంగా తరలిస్తున్న వారిపై చర్యలు చేపట్టేందుకు కఠిన చట్టాలను తెచ్చింది.
ఇదీ చదవండి: రోగి చనిపోయాడని వైద్యుల నిర్ధరణ.. స్నానం చేయిస్తుండగా షాక్!
