Covid vaccine price: కొవాగ్జిన్, కొవిషీల్డ్‌ కరోనా టీకాల ధరను రూ.275గా ఖరారు చేసే అవకాశం ఉన్నట్లు తెలుస్తోంది. ఔషధ నియంత్రణ సంస్థ(డీసీజీఐ) నుంచి సాధారణ అనుమతి పొందిన తర్వాత ఈ మేరకు ధర నిర్ణయించే అవకాశం ఉన్నట్లు అధికారవర్గాలు తెలిపాయి. దీనికి రూ.150 సేవా రుసుం అదనమని పేర్కొన్నాయి.
ప్రస్తుతం ప్రైవేటులో కొవాగ్జిన్ ఒక డోసు ధర సేవా రుసుంతో కలిపి రూ.1200 కాగా.. కొవిషీల్డ్‌ ధర రూ.780గా ఉంది. గతేడాది జనవరి 3న అత్యవసర పరిస్థితుల్లో వాడేందుకు ఈ రెండు టీకాలు అనుమతి పొందాయి. అయితే కొన్ని షరతులకు లోబడి ఈ రెండు టీకాలను వయోజనులకు ఇచ్చేందుకు సాధారణ అనుమతి ఇవ్వాలని నిపుణుల కమిటీ ఈనెల 9న ప్రభుత్వానికి సిఫారసు చేసింది. ఈ మేరకు ఆ రెండు సంస్థలు సాధారణ అనుమతి కోసం అవసరమైన సమాచారం సమర్పించాయి.
ఇదీ చూడండి: భారత్-పాక్ సరిహద్దులో 'బీటింగ్ రీట్రీట్' వేడుకలు
