దేశవ్యాప్తంగా కరోనా భయాలు ఇంకా కొనసాగుతున్నాయి. కేరళలో కరోనా తీవ్రత అధికంగా ఉంది. ఆ రాష్ట్రంలో తాజాగా 21,427 మంది కొవిడ్ బారిన పడ్డారు. 179 మంది మహమ్మారికి బలయ్యారు. దీనితో రాష్ట్రంలో మొత్తం కొవిడ్ కేసుల సంఖ్య 37.25 లక్షల పైకి, మృతుల సంఖ్య 19,049 వద్దకు చేరింది.
కేరళలో తాజాగా 18,731 మంది కొవిడ్ను జయించారు. ఇప్పటి వరకు మొత్తం 35,48,196 మంది రికవరీ అయ్యారు.
మహారాష్ట్రలో కొవిడ్ కేసులు కాస్త పెరిగాయి. బుధవారం సాయంత్రం వరకు ఇక్కడ 5,132 మందికి కొవిడ్ పాజిటివ్గా తేలింది. 158 మంది కరోనాతో మృతి చెందారు. ఇదే సమయంలో 8,196 మంది కరోనా నుంచి రికవరీ అయ్యారు. కొవిడ్ రికవరీ రేటు 96.93 శాతంగా ఉన్నట్లు ఆ రాష్ట్ర ప్రభుత్వం తెలిపింది.
- తమిళనాడులో కొత్తగా 1,797 మందికి కరోనా సోకింది. 1,908 మంది కొవిడ్ నుంచి కోలుకున్నారు. 31 మంది కరోనాతో ప్రాణాలు కోల్పోయారు.
- కర్ణాటకలో 1,365 మంది కరోనా బారిన పడ్డారు. 22 మంది కొవిడ్కు బలయ్యారు. 1,558 మంది మహమ్మారి నుంచి కోలుకున్నారు.
- దిల్లీలో 36 మందికి కరోనా పాజిటివ్గా తేలగా.. 76 మంది మహమ్మారిని జయించారు. నలుగురు కొవిడ్తో మృతి చెందారు.
ఇదీ చదవండి: దోమలపై రాష్ట్రాల దుర్బలపోరు- ప్రజారోగ్యానికి తూట్లు!
