దేశంలో మరో 46,254 మందికి కరోనా

దేశంలో కొవిడ్​ కేసుల సంఖ్య స్థిరంగా పెరుగుతూనే ఉంది. ఒక్కరోజులోనే 46,254 మంది వైరస్​ బారినపడ్డారు. బాధితుల సంఖ్య 83లక్షల 13వేల 877కు ఎగబాకింది. మహమ్మారి ధాటికి మరో 514 మంది బలవ్వగా.. మొత్తం ప్రాణాలు కోల్పోయిన వారి సంఖ్య 1లక్షా 23వేల 611కు చేరింది.

దేశంలో మరో 46వేల 254 మందికి కరోనా పాజిటివ్​గా నిర్ధరణ అయింది. ఒక్కరోజు వ్యవధిలోనే 514 కొవిడ్​ మరణాలు నమోదయ్యాయి.

దేశంలో కరోనా కేసుల వివరాలు

దేశవ్యాప్తంగా మంగళవారం 12,09,609 నమూనాలు పరీక్షించినట్టు భారతీయ వైద్య పరిశోధనా మండలి(ఐసీఎంఆర్​) వెల్లడించింది. ఫలితంగా మొత్తం టెస్ట్​ల సంఖ్య 11కోట్ల 29లక్షలు దాటింది.

రికవరీ రేటు ఇలా..

దేశంలో వైరస్​ను జయించిన వారి సంఖ్య గణనీయంగా పెరుగుతోంది. దేశవ్యాప్త రికవరీ రేటు 92.09 శాతంగా ఉండగా.. మరణాల రేటు 1.49 శాతంగా నమోదైంది.

ఇదీ చదవండి: 'ఆత్మహత్య' కేసులో అర్నబ్ గోస్వామి అరెస్టు