వైద్య సామగ్రిని తీసుకొచ్చిన భారత 'యుద్ధ నౌకలు'

కరోనా మహమ్మారి నుంచి దేశాన్ని రక్షించేందుకు ఆపరేషన్​ సముద్ర సేతు-2 చేపట్టింది భారత నావికాదళం. ఇందులో భాగంగా వివిధ దేశాల నుంచి భారీగా ఆక్సిజన్​, ఇతర వైద్య సామగ్రితో మూడు యుద్ధనౌకలు దేశానికి చేరుకున్నాయి.

కొవిడ్​ మహమ్మారి రెండో దశ ఉద్ధృతంగా వ్యాప్తి చెందుతున్న నేపథ్యంలో దేశానికి అండగా నిలుస్తోంది నౌకాదళం. ఆపరేషన్​ సముద్ర సేతు-2లో భాగంగా వివిధ దేశాల నుంచి నేవీకి చెందిన మూడు యుద్ధనౌకలు భారీగా వైద్య సామగ్రితో భారత్​కు చేరాయి. సోమవారం మొత్తం.. 80 టన్నుల ఆక్సిజన్​, 20 క్రియోజెనిక్​ ఆక్సిజన్​ ట్యాంకులు, 3,150 ఆక్సిజన్​ సిలిండర్లు, పెద్ద మొత్తంలో ఇతర వైద్య సామగ్రిని తీసుకొచ్చాయి.

నౌకల్లో భారత్​కు చేరిన వాటిలో 900 ఆక్సిజన్​ నింపిన సిలిండర్లు, 10వేల రాపిడ్​ యాంటీజెన్​ కొవిడ్​-19 పరీక్ష కిట్లు, 54 ఆక్సిజన్​ కాన్సన్​ట్రేటర్లు, 450 పీపీఈ కిట్లు ఉన్నట్లు నౌకాదళ ప్రతినిధి కమాండర్​ వివేక్​ మధ్వాల్​ తెలిపారు.

• #Watch | INS Kolkata arrives in New Mangalore with 54 MT medical oxygen, 400 oxygen cylinders, and 47 oxygen concentrators from Qatar and Kuwait: Indian Navy pic.twitter.com/FQfC3SaXIf

  — ANI (@ANI) May 10, 2021 " class="align-text-top noRightClick twitterSection" data="

  #Watch | INS Kolkata arrives in New Mangalore with 54 MT medical oxygen, 400 oxygen cylinders, and 47 oxygen concentrators from Qatar and Kuwait: Indian Navy pic.twitter.com/FQfC3SaXIf

  — ANI (@ANI) May 10, 2021

  ">

  #Watch | INS Kolkata arrives in New Mangalore with 54 MT medical oxygen, 400 oxygen cylinders, and 47 oxygen concentrators from Qatar and Kuwait: Indian Navy pic.twitter.com/FQfC3SaXIf

  — ANI (@ANI) May 10, 2021

• విశాఖపట్నానికి ఐరావత్​: భారత యుద్ధనౌక​ ఐరావత్​.. సింగపూర్​ నుంచి విశాఖపట్నం చేరుకుంది. 20 మెట్రిక్​ టన్నుల సామర్థ్యం కలిగిన 8 క్రయోజెనిక్​ ఆక్సిజన్​ ట్యాంకులు, ఇతర ఔషధాలు, వైద్య సామగ్రిని తీసుకొచ్చింది.
• మంగళూరుకు ఐఎన్​ఎస్​ కోల్​కతా: మరో యుద్ధ నౌక ఐఎన్ఎస్​ కోల్​కతా.. కువైట్​, ఖతార్​ దేశాల నుంచి న్యూ మంగళూరు పోర్టుకు చేరుకుంది. 40 మెట్రిక్​ టన్నుల ఆక్సిజన్​, 400 ఆక్సిజన్​ సిలిండర్లు, 47 ఆక్సిజన్​ కాన్సన్​ట్రేటర్లు ఉన్నాయి.
• ముంబయికి ఐఎన్​ఎస్​ త్రికాండ్​: ఖతార్​ నుంచి 40 టన్నుల ఆక్సిజన్​తో ఐఎన్​ఎస్​ త్రికాండ్​​ ముంబయికి చేరుకున్నట్లు నౌకాదళ ప్రతినిధి తెలిపారు.

రంగంలోకి 9 యుద్ధ నౌకలు..

కరోనా విజృంభణ నేపథ్యంలో.. గల్ఫ్​, వాయవ్య ఆసియా దేశాల నుంచి ఆక్సిజన్​, ఇతర ఔషధాలను తీసుకొచ్చేందుకు ఆపరేషన్ సముద్ర సేతు-2 చేపట్టింది నౌకాదళం. అందులో భాగంగా గత వారం 9 యుద్ధ నౌకలను మోహరించింది.

ఇదీ చూడండి: కొవిడ్​కు మరో సమర్థ ఔషధం!