ఐక్యరాజ్యసమితి 26వ వాతావరణ మార్పుల సమావేశం(సీఓపీ) అధ్యక్షుడిగా ఎంపికైనా బ్రిటన్ ఎంపీ అలోక్ శర్మ.. భారత ప్రధాని నరేంద్ర మోదీతో భేటీ అయ్యారు. ఈ ఏడాది నవంబర్లో జరగబోయే ఐక్యరాజ్యసమితి 26వ వాతావరణ మార్పుల ముసాయిదా సమావేశంలో(యూఎన్ఎఫ్సీసీసీ) వాతావరణ మార్పుల మీద భారత్-బ్రిటన్ల సహకారంపై చర్చించినట్లు అలోక్ తెలిపారు. మంగళవారం జరిగిన ఈ భేటీపై మోదీ ట్విట్టర్ వేదికగా స్పందించారు.
"సీఓపీ26 అధ్యక్షుడిగా ఎంపికైన అలోక్తో సమావేశంలో పాల్గొన్నందుకు సంతోషంగా ఉంది. నవంబర్లో జరిగే యూఎన్ఎఫ్సీసీసీ సమావేశంలో వాతావరణ మార్పులపై భారత్-బ్రిటన్ల సహకారంపై చర్చించాం."
-నరేంద్ర మోదీ, భారత ప్రధాని
విదేశాంగ మంత్రి ఎస్ జయశంకర్, పర్యావరణ మంత్రి ప్రకాశ్ జావడేకర్తో కూడా అలోక్ శర్మ భేటీ అయ్యారు. పారిస్ ఒప్పందానికి సంబంధించి మిగిలి ఉన్న సమస్యల పరిష్కారానికి బ్రిటన్తో పని చేయడానికి భారత్ ఎదురుచూస్తోందని జావడేకర్ అన్నారు.
సీఓపీ యూఎన్ఎఫ్సీసీసీ అత్యున్నత నిర్ణయాత్మక కమిటీ. సీఓపీ 26 సమావేశాలు బ్రిటన్లోని గాస్లోలో నవంబర్లో జరగనున్నాయి.
ఇదీ చూడండి: త్రిపుర సీఎం వ్యాఖ్యలపై నేపాల్ అభ్యంతరం
