భారత్​ బంద్​కు కాంగ్రెస్​ మద్దతు

కేంద్రం ఇటీవల తీసుకొచ్చిన వ్యవసాయ చట్టాలను వ్యతిరేకిస్తూ రైతులు ఈనెల 8న పిలుపునిచ్చిన భారత్​ బంద్​కు మద్దతు ప్రకటించింది కాంగ్రెస్. దేశవ్యాప్తంగా పార్టీ కార్యాలయాల్లో ఆందోళనలు చేపడతామని తెలిపింది.

సాగు చట్టాలపై కేంద్రంతో జరిపిన చర్చలు కొలిక్కి రాకపోవటం వల్ల ఈనెల 8న భారత్​ బంద్​కు పిలుపునిచ్చాయి రైతు సంఘాలు. ఈ నేపథ్యంలో బంద్​కు విపక్ష, భాజపా భాగస్వామ్యేతర ప్రాంతీయ పార్టీల నుంచి మద్దతు లభిస్తోంది. తాజాగా కాంగ్రెస్​ కూడా భారత్​ బంద్​కు మద్దతు ప్రకటించింది.

" డిసెంబర్​ 8న జరగబోయే భారత్​ బంద్​కు మద్దతు ఇవ్వాలని కాంగ్రెస్​ నిర్ణయించింది. దేశవ్యాప్తంగా ఉన్న మా పార్టీ కార్యాలయ్యాల్లో ఆందోళనలు చేపడతాం. ఇది రైతుల పట్ల రాహుల్​ గాంధీ మద్దతును మరింత బలోపేతం చేస్తుంది. దేశవ్యాప్త బంద్​ విజయవంతమవుతుందని భరోసా ఇస్తున్నాం."