శాసన మండలి సమావేశాల్లో అశ్లీల వీడియోలు చూడలేదని కర్ణాటక కాంగ్రెస్ ఎమ్మెల్సీ ప్రకాశ్ రాథోడ్ స్పష్టం చేశారు. తనపై వచ్చిన ఆరోపణలను ఖండించిన ఆయన.. తానెప్పుడూ అలాంటివి చూడలేదన్నారు.
ప్రశ్నోత్తరాల సమయంలో మంత్రిని అడగాల్సిన 7వ ప్రశ్నకు సంబంధించిన వివరాలు సెల్ఫోన్లో ఉన్నట్లు తెలిపారు. అందుకే ఆ సమయంలో తాను ఫోన్ చూడాల్సి వచ్చిందన్నారు.
అదే సమయంలో తన మొమోరీ నిండినట్లు కనిపించిందని.. వెంటనే అవసరం లేని కొన్ని ఫొటోలు, వీడియోలు డిలీట్ చేసే క్రమంలో రికార్డ్ అయిన వీడియో కనిపించి ఉండొచ్చన్నారు. సాధారణంగా ఫోన్ను ఎక్కువగా ఉపయోగించనని.. ఈ విషయాన్ని వివాదం చేయొద్దని కోరారు.
సాధారణంగా నా మొబైల్‌కు వేల సందేశాలు వస్తుంటాయి. వాటిని చూసేందుకే సమయం ఉండదు. ఇలాంటి అశ్లీల వీడియోలను ఎప్పుడూ చూడనే లేదు. మంత్రిని ప్రశ్న అడగాలనుకున్నా. నా ప్రశ్న మొబైల్ ఫోన్‌లో ఉంది. దాన్ని చూడటానికి మొబైల్ తీసుకున్నా.
-ప్రకాశ్ రాథోడ్, కాంగ్రెస్ ఎమ్మెల్సీ
ఇదీ చదవండి: హైటెక్ డివైజ్ సాయంతో ఏటీఎం లూటీ
