కేరళ అసెంబ్లీ ఎన్నికల కోసం 86మంది అభ్యర్థులతో కూడిన జాబితాను విడుదల చేసింది కాంగ్రెస్. అభ్యర్థుల్లో... మాజీ ముఖ్యమంత్రి ఊమన్ చాంది, మురళీధరన్ వంటి ప్రముఖులు ఉన్నారు.
ఊమన్ చాంది పుడుపల్లి నుంచి పోటీ చేస్తుండగా.. మురళీధరన్ నెమొమ్ నుంచి ఎన్నికల బరిలో దిగనున్నారు.
'రాహుల్కు ఇదే కావాలి..'
అభ్యర్థుల జాబితాను కేపీసీసీ చీఫ్ ముళ్లపల్లి రామచంద్రన్ ప్రకటించారు. ఈ జాబితాను పరిశీలిస్తే.. కాంగ్రెస్లో మార్పు కనపడుతుందని.. పార్టీ అగ్రనేత రాహుల్ గాంధీ కూడా కోరుకున్నది ఇలాంటిదేనని పేర్కొన్నారు.
కేరళలో 140 అసెంబ్లీ నియోజకవర్గాలకు ఏప్రిల్ 6న ఒకే దశలో పోలింగ్ నిర్వహించనున్నారు. మే 2న ఫలితాలు వెలువడనున్నాయి.
ఇదీ చూడండి:- 'కేరళలో 125 స్థానాల్లో భాజపా పోటీ'
