'క్యాపిటల్​'లో త్రివర్ణపతాకం- వ్యక్తిపై కేసు

అగ్రరాజ్యంలోని క్యాపిటల్​ భవనంలో వీరంగం సృష్టించిన ట్రంప్​ మద్దతుదారుల్లో ఒకరిపై దిల్లీలో కేసు నమోదైంది. భారత సంతతికి చెందిన వ్యక్తి నిరసనల్లో జాతీయ జెండాని పట్టుకుని పాల్గొనడమే ఇందుకు కారణం అని పోలీసులు వివరించారు.

అమెరికా వాషింగ్టన్​​లోని క్యాపిటల్​లో జరిగిన హింసాకాండలో పాల్గొన్న భారత సంతతి వ్యక్తిపై దిల్లీలోని కాలకాజీ పోలీస్టేషన్​లో కేసు నమోదైంది. భారత జాతీయ జెండాని పట్టుకుని హింసాత్మక ఘటనలో పాల్గొనడమే ఇందుకు కారణమని పోలీసులు వివరించారు. ఆందోళనల్లో పాల్గొనే వ్యక్తి త్రివర్ణ పతాకాన్ని తీసుకెళ్లడం అనేది జాతీయతకు సంబంధించిన విషయమని తెలిపారు.

అధ్యక్ష ఎన్నికల విజేత జో బైడెన్​కు వ్యతిరేకంగా నినాదాలు చేస్తూ కనిపించిన వ్యక్తిపై పోలీసులు కేసు నమోదు చేశారు. అతని వయసు సుమారు 54ఏళ్లుగా ఉండొచ్చని తెలిపారు.