60 సెకన్లు.. 150 కొబ్బరికాయలు.. ఒంటి చేత్తో అరుదైన రికార్డ్​

Coconut breaking with hand: 150 కొబ్బరికాయలను కేవలం 60 సెకన్లలోనే ఒంటిచేత్తో పగలగొట్టి రికార్డు సృష్టించాడు హరియాణా, రోహ్​తక్​కు చెందిన ధర్మేంద్ర అనే యువకుడు. గిన్నిస్​ రికార్డు సాధించటమే తన లక్ష్యమని చెప్పాడు. గతంలోనూ తలతో కొబ్బరికాయలు పగలగొట్టినట్లు తెలిపాడు.

Coconut breaking with hand: ఒంటి చేత్తో 150 కొబ్బరికాయలు పగలగొట్టి రికార్డు సృష్టించాడు హరియాణాలోని రోహ్​తక్​కు చెందిన ఓ వ్యక్తి. కేవలం ఒక్క నిమిషంలోనే ఈ ఫీట్​ సాధించి గిన్నిసి రికార్డుపై కన్నేశాడు. గతంలో ఈ రికార్డు కేరళకు చెందిన ఓ యువకుడి పేరున ఉండేది. అతడు నిమిషంలో 122 కొబ్బరికాయలు పగలగొట్టాడు.

ఉత్తర్​ప్రదేశ్​లోని బహ్రాయిచ్​కు చెందిన ధర్మేంద్ర చాలా కాలంగా రోహ్​తక్​లో నివసిస్తున్నాడు. అక్కడి కూరగాయల మార్కెట్లో కూలీ పనులు చేస్తున్నాడు. అయితే.. కరోనా కారణంగా విధించిన లాక్​డౌన్​తో ఇంటికే పరిమితం కావాల్సి వచ్చింది. ఈ క్రమంలోనే యూట్యూబ్​లో కొబ్బరికాయలు పగలగొట్టటం చూసి తానూ అలానే చేయాలని నిశ్చయించుకున్నాడు. అందుకు తగినట్లుగా సాధన చేశాడు. గతంలో కేరళకు చెందిన ఓ యువకుడు నిమిషంలో 122 కొబ్బరికాయలు, జర్మనీకి చెందిన ముహమ్మద్​ అనే వ్యక్తి 148 పగలగొట్టినట్లు తెలుసుకున్నాడు ధర్మేంద్ర. వారి కన్నా ఎక్కువ పగలగొట్టి రికార్డు సృష్టించాలని నిర్ణయించుకున్నాడు.

నిమిషంలో 150 కొబ్బరికాయలు ఒంటిచేత్తో పగలగొట్టాలని నిర్ణయించుకుని ఇంటివద్దే సాధన చేశాడు ధర్మేంద్ర. ఇందుకు మార్కెట్​లోని దుకాణదారులు ధర్మేంద్రకు మద్దతుగా నిలిచారు. ఈ క్రమంలోనే బుధవారం ఉదయం మార్కెట్లో కొబ్బరికాయలను పగలగొట్టే విన్యాసాన్ని ఏర్పాటు చేశారు. అంతా చూస్తుండగా ఒంటి చేత్తో 150 కొబ్బరికాయలను పగలగొట్టి రికార్డు సృష్టించాడు ధర్మేంద్ర. ఆ సమయంలో అక్కడున్న వారంతా చప్పట్లు, ఈలలతో మారుమోగించారు. గతంలోనూ ముడి కొబ్బరికాయలను తల, చేతితో పగలగొట్టినట్లు అతడు చెప్పాడు.

ఇదీ చూడండి: 60+ ఏజ్​లో మోడలింగ్.. కొద్దినెలల్లోనే సూపర్​స్టార్.. అంతా లాక్​డౌన్​ మేజిక్​!