CNP ITI Jobs 2023 : ఐటీఐ అర్హతతో.. కరెన్సీ నోట్​ ప్రెస్​లో ఉద్యోగాలు.. అప్లై చేసుకోండిలా!

CNP ITI Jobs 2023 : ప్రభుత్వ ఉద్యోగాల కోసం ప్రయత్నిస్తున్న అభ్యర్థులకు గుడ్ న్యూస్​. కరెన్సీ నోట్​ ప్రెస్​ (CNP) 117 పోస్టుల భర్తీ కోసం నోటిఫికేషన్ విడుదల చేసింది. ఆసక్తి గల అభ్యర్థులు ఆన్​లైన్​లో దరఖాస్తు చేసుకోవాల్సి ఉంటుంది. విద్యార్హతలు, వయోపరిమితి, ఫీజు, దరఖాస్తు విధానం తదితర పూర్తి వివరాలు మీ కోసం.

CNP ITI Jobs 2023 : నాసిక్​లోని కరెన్సీ నోట్ ప్రెస్​ (CNP) 117 పోస్టుల భర్తీకి నోటిఫికేషన్ విడుదల చేసింది. ఈ రిక్రూట్​మెంట్ ద్వారా సూపర్​వైజర్​, ఆర్టిస్ట్​, టెక్నీషియన్​ సహా వివిధ పోస్టులను భర్తీ చేయనున్నారు. ఆసక్తి గల అభ్యర్థులు ఆన్​లైన్​లో దరఖాస్తు చేసుకోవాల్సి ఉంటుంది.

ఉద్యోగాల వివరాలు

• జూనియర్ టెక్నీషియన్​ - 112
• సూపర్​వైజర్​ (టీఓ ప్రింటింగ్​) - 02
• సూపర్​వైజర్​ (అఫీషియల్ లాంగ్వేజ్​) - 01
• ఆర్టిస్ట్​ (గ్రాఫిక్ డిజైనర్​) - 01
• సెక్రటేరియల్​​ అసిస్టెంట్​ - 01
• మొత్తం పోస్టులు - 117

విద్యార్హతలు
CNP Jobs Qualification :

• జూనియర్ టెక్నీషియన్​ పోస్టులకు అభ్యర్థులు ఐటీఐ ఉత్తీర్ణత సాధించి ఉండాలి. ముఖ్యంగా ఎలక్ట్రికల్​/ మెషినిస్ట్​/ ఫిట్టర్​/ ఎలక్ట్రానిక్స్​/ ఎయిర్​ కండిషనింగ్​/ ప్రింటింగ్​ ట్రేడ్ విభాగాల్లో క్వాలిఫై అయ్యుండాలి.
• ఆర్టిస్ట్ పోస్టులకు ఫైన్​ ఆర్ట్స్​/ విజువల్​ ఆర్ట్స్​ విభాగాల్లో బ్యాచులర్ డిగ్రీ చేసుండాలి. గ్రాఫిక్స్​లో వొకేషనల్​ డిగ్రీ చేసినవారూ అర్హులే.
• సెక్రటేరియల్​ అసిస్టెంట్​, సూపర్​ వైజర్ పోస్టులకు సంబంధించిన.. విద్యార్హతల కోసం అధికారిక నోటిఫికేషన్​ను చూడండి.

వయోపరిమితి
CNP Jobs Age Limit :

• సూపర్​వైజర్​ పోస్టులకు.. అభ్యర్థుల వయస్సు 18 ఏళ్ల నుంచి 30 ఏళ్ల మధ్యలో ఉండాలి.
• ఆర్టిస్ట్​, సెక్రటేరియల్ అసిస్టెంట్ పోస్టులకు.. అభ్యర్థుల వయస్సు 18 ఏళ్ల నుంచి 28 ఏళ్ల మధ్యలో ఉండాలి.
• టెక్నీషియన్ పోస్టులకు అభ్యర్థుల వయస్సు 18 ఏళ్ల నుంచి 25 ఏళ్ల మధ్యలో ఉండాలి.

ఎంపిక విధానం
CNP Jobs Selection Process :

• అభ్యర్థులకు ఆన్​లైన్ పరీక్ష నిర్వహిస్తారు. అందులో ఉత్తీర్ణులైన అభ్యర్థులను ఆయా పోస్టులకు ఎంపిక చేయడం జరుగుతుంది.
• సెక్రటేరియల్​ అసిస్టెంట్ పోస్టులకు స్టెనోగ్రఫీ/టైపింగ్ టెస్ట్ నిర్వహిస్తారు.

జీతభత్యాలు
CNP Jobs Salary :

• సూపర్​వైజర్లకు నెలకు రూ.27,600 నుంచి రూ.95,910 వరకు జీతం ఉంటుంది.
• ఆర్టిస్ట్, సెక్రటేరియల్​ అసిస్టెంట్​లకు నెలకు రూ.23,910 నుంచి 65,570 వరకు జీతం ఇస్తారు.
• జూనియర్ టెక్నీషిన్​లకు నెలకు రూ.18,780 నుంచి రూ.67,390 వరకు జీతం అందిస్తారు.

దరఖాస్తు చేసుకోండిలా!
CNP Jobs Application Process :

• ముందుగా మీరు కరెన్సీ నోట్​ ప్రెస్​ అధికారిక వెబ్​సైట్​ https://cnpnashik.spmcil.com/en/ ఓపెన్ చేయండి.
• Careers ట్యాబ్​ను ఓపెన్ చేసి, అప్లికేషన్ లింక్​ను క్లిక్ చేయండి.
• రిజిస్ట్రేషన్ ఐడీ, పాస్​వర్డ్​లను క్రియేట్​ చేసుకోండి.
• దరఖాస్తు ఫారంలో మీ వ్యక్తిగత, విద్యార్హత వివరాలు నమోదు చేయండి.
• ముఖ్యమైన విద్యార్హత పత్రాలను అప్లోడ్ చేయండి.
• అప్లికేషన్ ఫీజును ఆన్​లైన్​లోనే చెల్లించండి.
• అన్ని వివరాలు మరోసారి చెక్​ చేసుకొని, దరఖాస్తును సబ్మిట్​ చేయండి.
• భవిష్యత్ రిఫరెన్స్ కోసం అప్లికేషన్ ప్రింట్​అవుట్​ను భద్రపరుచుకోండి.

ముఖ్యమైన తేదీలు
CNP Recruitment Last Date :

• దరఖాస్తు స్వీకరణ ప్రారంభ తేదీ : 2023 అక్టోబర్ 19
• దరఖాస్తుకు ఆఖరు తేదీ : 2023 నవంబర్​ 18
• పరీక్ష తేదీ : 2024 జనవరి లేదా ఫిబ్రవరిలో పరీక్ష నిర్వహించే అవకాశం ఉంది.