china border issue: భారత్లో చైనా ఆక్రమణ ఇంకా కొనసాగుతోందని కేంద్రమంత్రి వీ మురళీధరన్ తెలిపారు. 1963 నుంచి ఇప్పటి వరకు సుమారు 38 వేల చదరపు కిలోమీటర్ల మేర భారత భూభాగాన్ని చైనా ఆక్రమించినట్లు లోక్సభలో శుక్రవారం పేర్కొన్నారు.
1963లో సరిహద్దు ఒప్పందంపై చైనా- పాకిస్థాన్లు సంతకాలు చేసినట్లు పేర్కొన్నారు. ఈ క్రమంలోనే లద్దాఖ్లోని 5,180 చదరపు కి.మీ. ప్రాంతాన్ని పాక్ ఆక్రమించి చైనాకు ఇచ్చినట్లు వెల్లడించారు.
బహుజన్ సమాజ్ పార్టీ ఎంపీ శ్యామ్ యాదవ్ సింగ్ లోక్సభలో అడిగిన ప్రశ్నకు.. కేంద్ర మంత్రి మురళీధరన్ లిఖిత పూర్వక సమాధానం ఇచ్చారు. నాడు పాక్-చైనా చేసుకున్న ఒప్పందాన్ని భారత్ పరిగణనలోకి తీసుకోదని స్పష్టం చేశారు. జమ్ముకశ్మీర్లోని లద్దాఖ్.. భారత్ భూభాగంలోని ప్రాంతం అని, ఇదే విషయాన్ని పలుసార్లు పాక్, చైనాలకు తెలియజేసినట్లు పేర్కొన్నారు.
1962 సంఘర్షణల అనంతరం ఇరు దేశాలు వ్యూహాత్మకంగా వ్యవహరించి భారత్పై ఒత్తిడిని తీసుకురావాలని చూసినట్లు తెలిపారు. దీనిలో భాగంగానే పాక్, చైనాలకు సరిహద్దు లేకపోయినా సరే 1963లో ఒప్పందం చేసుకుని పాక్.. చైనాకు అప్పగించినట్లు పేర్కొన్నారు. ఈ కారణంగానే చైనా అధ్యక్షుడు షి జిన్‌పింగ్ 2013లో చైనా- పాకిస్థాన్ ఎకనామిక్ కారిడార్ను ప్రకటించినట్లు చెప్పారు.
ఇదీ చూడండి: Rahul Gandhi on Hijab: 'దేశంలో ఆడపిల్లల భవిష్యత్తును దోచుకుంటున్నారు'
