ఛత్తీస్గఢ్ కొండగావ్ జిల్లాలో ఎన్కౌంటర్ జరిగింది. ఈ ఎదురుకాల్పుల్లో ఇద్దరు మావోయిస్టులు హతమయినట్లు పోలీసులు తెలిపారు. చనిపోయిన వారిలో ఓ మహిళ కూడా ఉన్నట్లు చెప్పారు. ఘటన జరిగిన ప్రాంతం నుంచి భారీగా ఆయుధాలను, పేలుడు పదార్థాలను స్వాధీనం చేసుకునట్లు పేర్కొన్నారు.
మధ్యాహ్నం 12:30 గంటల ప్రాంతంలో జిల్లా రిజర్వ్ గార్డ్ పోలీసులకు, నక్సలైట్లకు భీకర కాల్పులు జరిగినట్లు బస్తర్ రేంజీ ఐజీ సుందర్ రాజ్ తెలిపారు. ఛత్తీస్గఢ్ రాజధాని రాయ్పుర్కు 200 కిమీ దూరంలో ఉన్న కొండగావ్లో కాల్పులు జరిగినట్లు పేర్కొన్నారు.
'నార్త్ కాంకర్-మెయిన్‌పూర్ డివిజన్ కోఆర్డినేషన్ కమిటీ'కి చెందిన మావోయిస్టులు ఉన్నట్లు సోమవారమే సమాచారం అందగా.. ఈ ఆపరేషన్ను ప్రారంభించినట్లు వివరించారు.
ఇదీ చూడండి: ఆ గ్రామంలో ఒక్క నెలలో 80మంది మృతి!
