Bipin Rawat last speech: బిపిన్ రావత్​ చివరి సందేశం.. ఏం మాట్లాడారంటే..?

Bipin Rawat last speech: 1971లో పాకిస్థాన్‌పై జరిగిన యుద్ధంలో భారత విజయానికి గుర్తుగా 'స్వర్ణిమ్​ విజయ్‌ పర్వ్​' వేడుకలను దిల్లీలోని ఇండియా గేట్​ వద్ద నిర్వహించారు. ఈ కార్యక్రమంలో దేశ తొలి సీడీఎస్​ చివరి వీడియో రికార్డును ప్రసారం చేశారు. డిసెంబర్ 7న రికార్డు చేసిన ఈ వీడియోను భారత సైన్యం విడుదల చేసింది. ఈ కార్యక్రమంలో పాల్గొన్న రక్షణ మంత్రి రాజ్​నాథ్​ సింగ్​.. వీరసైనికులకు సేవలను స్మరించుకున్నారు.

Bipin Rawat last speech: హెలికాప్టర్ ప్రమాదంలో మరణించిన సీడీఎస్ బిపిన్ రావత్ చివరి సందేశాన్ని భారత సైన్యం విడుదల చేసింది. 1971లో పాకిస్థాన్‌పై జరిగిన యుద్ధంలో భారత విజయానికి గుర్తుగా దిల్లీలోని నిర్వహించిన 'స్వర్ణిమ్​ విజయ్‌ పర్వ్​' కార్యక్రమంలో జనరల్​ రావత్​ చివరి వీడియో సందేశాన్ని ప్రసారం చేశారు. డిసెంబరు 7న రికార్డు చేసిన ఈ వీడియో ద్వారా.. ఆ యుద్ధంలో అమరులైన సైనికులకు నివాళులు అర్పించారు రావత్. 1971 ఇండియా-పాక్‌ యుద్ధానికి 50 ఏళ్లు పూర్తయిన సందర్భంగా ఈ కార్యక్రమం దిల్లీలోని ఇండియా గేట్​ వద్ద జరిగింది.

• #WATCH Late CDS General Bipin Rawat's pre-recorded message played at an event on the occasion 'Swarnim Vijay Parv' inaugurated today at India Gate lawns in Delhi. This message was recorded on December 7.
  
  (Source: Indian Army) pic.twitter.com/trWYx7ogSy

  — ANI (@ANI) December 12, 2021 " class="align-text-top noRightClick twitterSection" data="

  #WATCH Late CDS General Bipin Rawat's pre-recorded message played at an event on the occasion 'Swarnim Vijay Parv' inaugurated today at India Gate lawns in Delhi. This message was recorded on December 7.
  
  (Source: Indian Army) pic.twitter.com/trWYx7ogSy

  — ANI (@ANI) December 12, 2021

  ">

  #WATCH Late CDS General Bipin Rawat's pre-recorded message played at an event on the occasion 'Swarnim Vijay Parv' inaugurated today at India Gate lawns in Delhi. This message was recorded on December 7.
  
  (Source: Indian Army) pic.twitter.com/trWYx7ogSy

  — ANI (@ANI) December 12, 2021

ఈ కార్యక్రమంలో పాల్గొన్నరక్షణ మంత్రి రాజ్​నాథ్​ సింగ్​.. అమరవీరులకు నివాళులర్పించారు. ఈ కార్యక్రమాన్ని తొలుత ఘనంగా నిర్వహించాలని భావించినా.. దేశ తొలి సీడీఎస్ జనరల్ బిపిన్​ రావత్​ అకాల మరణంతో నిరాడంబరంగా జరుపుతున్నట్లు రాజ్​నాథ్​ పేర్కొన్నారు. ఈ సందర్భంగా రావత్​ను స్మరించుకుంటూ నివాళులర్పించారు.

"1971 ఇండో-పాక్​ యుద్ధం 'స్వర్ణ విజయ సంవత్సరం' కింద నిర్వహించిన 'విజయ్ పర్వ్' జరుపుకోవడం సంతోషంగా ఉంది. ఈ వేడుక దక్షిణాసియా చరిత్ర, భౌగోళిక స్థితిని మార్చిన భారత సైన్యం అద్భుతమైన విజయాన్ని గుర్తు. ఆ యుద్ధంలో అమరులైన ప్రతి సైనికుడి ధైర్యానికి, పరాక్రమానికి, త్యాగానికి నమస్కరిస్తున్నాను. ఆ ధైర్యవంతులందరి త్యాగానికి దేశం ఎప్పుడూ రుణపడి ఉంటుంది. ఈ యుద్ధం మన నైతికతకు, మన ప్రజాస్వామ్య సంప్రదాయాలకు, న్యాయంగా వ్యవహరించడానికి అద్భుతమైన ఉదాహరణ. యుద్ధంలో మరొక దేశాన్ని ఓడించిన తర్వాత.. మనలాంటి దేశం దానిపై ఆధిపత్యాన్ని ప్రదర్శించలేదు. ఆ అధికారాన్ని దానికే అప్పగించింది. ఇది చరిత్రలో చాలా అరుదుగా కనిపిస్తుంది."

- రక్షణ మంత్రి రాజ్​నాథ్​ సింగ్​

బంగ్లాదేశ్‌లో ప్రజాస్వామ్య స్థాపనకు భారత్ దోహదపడిందన్నారు రక్షణ మంత్రి. గడిచిన 50 ఏళ్లలో బంగ్లాదేశ్ శరవేగంగా అభివృద్ధి చెందుతోందని.. ఇది మిగిలిన ప్రపంచ దేశాలకు స్ఫూర్తిదాయకమన్నారు.

1971లో తూర్పు పాకిస్థాన్‌లో స్వతంత్ర పోరు మొదలై భారత్‌-పాక్‌ మధ్య యుద్ధానికి దారితీసింది. ఇందులో పాక్‌ను భారత్‌ ఓడించింది. ఆ తర్వాత బంగ్లాదేశ్ ఏర్పడింది. ఆ విజయానికి గుర్తుగా ఏటా డిసెంబరు 16న విజయ్‌ దివస్‌ నిర్వహిస్తున్నారు. ఆ​ యుద్ధంలో భారత్‌ విజయానికి 50 ఏళ్లు పూర్తయిన సందర్భంగా 'స్వర్ణ విజయ సంవత్సరం'గా పేర్కొంటూ ఏడాది పాటు దేశవ్యాప్తంగా వేడుకలను నిర్వహిస్తున్నారు.

ఇదీ చూడండి: PM Modi twitter: ప్రధాని మోదీ ట్విటర్‌ ఖాతా హ్యాక్‌