కరోనా కారణంగా పాఠశాలలపై తీవ్ర ప్రభావం పడింది. ఇప్పుడిప్పుడే విద్యాసంస్థలు తెరుచుకుంటున్నాయి. ఈ క్రమంలో 2021-22 ఏడాది పాఠ్య ప్రణాళికను విడుదల చేసింది సెంట్రల్ బోర్డ్ ఆఫ్ సెకండరీ ఎడ్యూకేషన్ (సీబీఎస్ఈ). వచ్చే విద్యా సంవత్సరంలో 9 నుంచి12వ తరగతులకు సిలబల్లో ఎలాంటి కోత విధించటం లేదని స్పష్టం చేసింది. గత ఏడాది సిలబస్లో 30 శాతం కోత విధించిన ఛాప్టర్స్, టాపిక్స్ను తిరిగి ఈ ఏడాది పాఠ్యాంశాల్లో పునరుద్ధరిస్తున్నట్లు తెలిపింది సీబీఎస్ఈ.
"ఆన్లైన్ తరగతులు కొత్త విధానం కావటం వల్ల పాఠ్యాంశాల తగ్గింపు ఒక్కసారి కోసం తీసుకున్న నిర్ణయమేనని గత ఏడాదే బోర్డు ప్రకటించింది. వచ్చే విద్యాసంవత్సరంలో యథావిధిగా పాత సిలబస్ ఉంటుంది "
- సీబీఎస్ఈ అధికారి.
కరోనా సంక్షోభం నేపథ్యంలో విద్యార్థులపై భారాన్ని తగ్గించేందుకు 2020-21 విద్యాసంవత్సరంలో 9-12 తరగతుల సిలబస్లో 30 తగ్గించింది సీబీఎస్ఈ. ఈ సిలబస్ ప్రకారమే విద్యార్థులు మే-జూన్ మధ్య పరీక్షలు రాయనున్నారు.
ఇదీ చూడండి: సీబీఎస్ఈ 10, 12 తరగతుల పరీక్ష తేదీల్లో స్వల్ప మార్పులు
