CBSE New Rule In Marks : సెంట్రల్ బోర్డ్ ఆఫ్ సెకండరీ ఎడ్యుకేషన్(సీబీఎస్ఈ) కీలక నిర్ణయం తీసుకుంది. ఇక నుంచి 10, 12వ తరగతి విద్యార్థులకు బోర్డు పరీక్షలలో మార్కుల శాతం, గ్రేడ్లు ఇవ్వమని సీబీఎస్ఈ ఎగ్జామినర్ భరద్వాజ తెలిపారు. ఉన్నత విద్య లేదా ఉద్యోగంలో మార్కుల శాతం అవసరమైతే.. అడ్మిషన్ ఇచ్చిన సంస్థే విద్యార్థి ఐదు బెస్ట్ సబ్జెక్ట్లను నిర్ణయించుకోవాలని సూచించారు.
కొన్నాళ్ల క్రితం సీబీఎస్ఈ మెరిట్ జాబితాను విడుదల చేసే పద్ధతిని తొలగించింది. ఇప్పుడు ఈ మార్పులు చేసింది.
CBSE Board Exams Twice A Year : ఈ ఏడాది అక్టోబరు 8న.. సీబీఎస్ఈ 10, 12వ తరగతి బోర్డు పరీక్షలను ఏడాదికి రెండు సార్లు రాయడం తప్పనిసరేమీ కాదని కేంద్ర విద్యాశాఖ మంత్రి ధర్మేంద్ర ప్రధాన్ స్పష్టం చేశారు. విద్యార్థుల్లో ఒత్తిడిని తగ్గించేందుకు మాత్రమే ఈ నిర్ణయం తీసుకున్నట్లు ఆయన పీటీఐ వార్తా సంస్థతో ముఖాముఖిలో వెల్లడించారు. సంవత్సరానికి పరీక్ష రాసే అవకాశం ఒక్కసారే ఉంటుందనే కారణంతో విద్యార్థులు తీవ్ర ఒత్తిడికి గురవతున్నారని, అందుకే ఈ మేరకు నిర్ణయం తీసుకున్నామని మంత్రి వివరించారు. ఈ పూర్తి వార్త కోసం ఇక్కడ క్లిక్ చెయ్యండి.
కొన్నాళ్ల క్రితం.. 10, 12వ తరగతి విద్యార్థులకు నిర్వహించే వార్షిక పరీక్షల్లో కీలక మార్పులను తెస్తున్నట్లు ప్రకటించింది సీబీఎస్ఈ బోర్డు. 2024 విద్యా సంవత్సరం నుంచి నిర్వహించే పరీక్షలలో అత్యధిక మార్కులు మల్టిపుల్ ఛాయిస్ ప్రశ్నలకే కేటాయించనున్నట్లు తెలిపింది. షార్ట్, లాంగ్ ఆన్సర్ టైప్ ప్రశ్నలకు ఇంతకుముందు ఉన్న మార్కుల వెయిటేజీని తగ్గిస్తున్నట్లు వెల్లడించింది. 2024లో జరగబోయే సీబీఎస్ఈ 10, 12వ తరగతి పరీక్షల నుంచి ఈ నిర్ణయాన్ని అమలు చేస్తామని స్పష్టం చేసింది బోర్డు. కొత్తగా మల్టిపుల్ ఛాయిస్ ప్రశ్నలను ప్రవేశపెట్టడం ద్వారా వివిధ రకాల ప్రశ్నలకు ఇదివరకు ఉన్న మార్కుల వెయిటేజీ తగ్గనున్నట్లు పేర్కొంది. ఈ నిర్ణయంతో ప్రశ్నాపత్రాల మూల్యాంకన విధానంలో కూడా పలు మార్పులు చేయనున్నట్లు అధికారులు చెప్పారు. నేషనల్ ఎడ్యూకేషన్ పాలసీ(ఎన్ఈపీ)-2020 సిఫార్సుల మేరకు ఈ నిర్ణయం తీసుకున్నామని బోర్డు తెలిపింది. ఈ పూర్తి వార్త కోసం ఇక్కడ క్లిక్ చెయ్యండి.
బెంగళూరులో అనేక స్కూళ్లకు బాంబు బెదిరింపులు- పేరెంట్స్లో టెన్షన్- పోలీసులు అలర్ట్
పెళ్లికి ఒప్పుకోలేదని లవర్పై కోపం- స్కూల్ నుంచి బయటకు రాగానే టీచర్ కిడ్నాప్
