ఇద్దరు పాక్​ పౌరులను అప్పగించిన బీఎస్​ఎఫ్​

సరిహద్దులో మరోసారి మానవత చాటుకున్నాయి భారత సైనిక బలగాలు. పాక్​కు చెందిన ఇద్దరు పౌరులు పొరపాటున దేశంలోకి ప్రవేశించగా.. వారిని ఆ దేశ రేంజర్లకు అప్పగించాయి.

భారత సరిహద్దు బలగాలు మరోసారి మానవత్వాన్ని చాటుకున్నాయి. అనుకోకుండా పాక్​ సరిహద్దు దాటి భారత్​లోకి ప్రవేశించిన ఇద్దరు పౌరులను.. ఆ దేశానికి అప్పగించినట్టు అధికారులు తెలిపారు.

ఇదీ జరిగింది..

భారత్​-పాక్​ సరిహద్దులో 14వ బెటాలియన్​ దళాలు గస్తీ కాస్తున్న సమయంలో.. ఇద్దరు పాకిస్థానీయులు అనుమానాస్పద రీతిలో భారత భూభాగంలో తిరుగుతున్నారు. వారు సరిహద్దును దాటి ఫెన్సింగ్​ వైపునకు వెళ్తుండగా జవాన్లు అడ్డుకున్నారు. విచారించగా.. పొరపాటున మన దేశంలోకి ప్రవేశించినట్టు వెల్లడైంది. వారి నుంచి ఎలాంటి అనుమానాస్పద వస్తువులు కనిపించనందున.. సానుకూలంగా స్పందించింది సైన్యం. వారిని పాక్​ రేంజర్లకు అప్పగించి మానవత్వాన్ని చాటుకుంది.

సరిహద్దులో తరచూ ఎదురవుతున్న ఈ తరహా ఘటనలపై దాయాది దేశం రేంజర్స్​ వద్ద నిరసన తెలిపినట్టు బీఎస్​ఎఫ్​ తెలిపింది. ఈ ఏడాది మొత్తం ఆరుగురు పాక్​ వాసులు దేశంలోకి రాగా.. వారిని అక్కడి రేంజర్లకు అప్పగించినట్టు స్పష్టం చేసింది.

ఇదీ చదవండి: ఆ బీచ్‌లకు కొట్టుకొచ్చిన మృతదేహాలు.. వారివేనా?