వధువు డబుల్​ ధమాకా.. పెళ్లి రోజే ఎన్నికల్లో విజయం

వివాహం జరిగే రోజే మరో శుభవార్త అందుకుంది ఓ నవ వధువు. స్థానిక ఎన్నికల్లో విజయం సాధించింది. పెళ్లి బట్టల్లోనే లెక్కింపు కేంద్రానికి వెళ్లి ధ్రువపత్రాన్ని అందుకుంది. ఈ సంఘటన ఉత్తర్​ప్రదేశ్​ రాంపుర్​ జిల్లాలో జరిగింది.

వివాహ వేడుకల్లో మునిగి తేలుతున్న సందర్భంలో మరో శుభవార్త వింటే ఆ కిక్కే వేరు. అలాంటి అనుభూతినే పొందింది.. ఓ నవ వధువు. పెళ్లి రోజునే స్థానిక పంచాయతీ ఎన్నికల్లో విజయం సాధించింది. ఈ సంఘటన ఉత్తర్​ప్రదేశ్​ రాంపుర్​ జిల్లాలో ఆదివారం జరిగింది.

ఇదీ జరిగింది..

ఈనెల 2వ తేదీన.. జిల్లాలోని మొహమ్మద్​పుర్​ జాదిద్​ గ్రామానికి చెందిన గంగసరన్ అనే వ్యక్తి​ కూతురు పూనమ్​.. వివాహం కోసం అన్ని ఏర్పాట్లు సాగుతున్నాయి. బరేలీ జిల్లాకు చెందిన వరుడు బరాత్​తో వచ్చాడు. గంగసరన్​ ఇంట్లో పెళ్లి పనులు జరుగుతున్నాయి. వధువు పెళ్లికి సంబంధించిన సంప్రదాయ పూజల్లో పాల్గొంది. ఆ వాతావరణం మొత్తం సంతోషమయంగా మారిపోయింది. ఆ సందర్భంలోనే వారికి మరో శుభవార్త అందింది. అదే.. స్థానిక పంచాయతీ ఎన్నికల్లో 601 ఓట్లు సాధించి బీడీసీ సభ్యురాలిగా పూనమ్​ ఎన్నికైనట్లు తెలిసింది. ఇంకేముంది వారి ఆనందానికి అవధులు లేకుండా పోయాయి. తన ప్రత్యర్థిపై 30 ఓట్ల తేడాతో గెలుపొందింది పూనమ్​.

పెళ్లి కూతురు పూనమ్​

మండపం నుంచి నేరుగా లెక్కింపు కేంద్రానికి..

ఈ వార్త అందిన వెంటనే మండపం నుంచి నేరుగా లెక్కింపు కేంద్రానికి వెళ్లింది పూనమ్​. వివాహ వస్త్రధారణలోనే అధికారుల నుంచి ధ్రువపత్రాన్ని అందుకుని అందరి దృష్టిని ఆకర్షించింది. విషయం తెలిసి అక్కడి వారంతా.. వధువుకు శుభాకాంక్షలు తెలిపారు.

ధ్రువపత్రం అందుకుంటన్న పూనమ్​

మర్చిపోలేని సందర్భం..

ఈ సందర్భాన్ని తాను ఎన్నటికీ మర్చిపోలేనని, సంతోషం వ్యక్తం చేసింది పూనమ్​.

వధువు పూనమ్​

ఇదీ చూడండి: స్టాలిన్​ గెలిచారని నాలుక కోసుకున్న మహిళ