Maoist sandeep yadav: మావోయిస్టు అగ్రనేత సందీప్ అలియాస్ విజయ్.. బిహార్లోని గయా జిల్లా లుటువా పోలీస్ ఠాణా పరిధిలోని అటవీ ప్రాంతంలో అనుమానాస్పద రీతిలో మృతిచెందారు. సందీప్పై విష ప్రయోగం జరిగి ఉంటుందని అధికారులు అనుమానిస్తున్నారు. బాబురామ్ దేహ్ గ్రామానికి చెందిన 55 ఏళ్ల సందీప్.. బిహార్, ఝార్ఖండ్, ఛత్తీస్గఢ్, ఒడిశా, బంగాల్, ఆంధ్రప్రదేశ్ రాష్ట్రాల్లో నక్సల్స్ జరిపే అనేక దాడుల్లో కీలక పాత్ర పోషించారు.
సందీప్పై ఇప్పటికే వివిధ నేరారోపణల కింద 500కుపైగా కేసులు నమోదయ్యాయి. వీటిలో కేవలం బిహార్ రాష్ట్రంలోనే 100కుపైగా నమోదయ్యాయి. సందీప్పై వివిధ రాష్ట్రాలు ప్రకటించిన రివార్డుల మొత్తం రూ.84 లక్షలకు చేరింది. ఈ మృతిపై స్పందించిన అధికారులు.. 'అనారోగ్యం కారణంగా మృతిచెందినట్లు రిపోర్టులు ఉన్నాయి. కానీ ఈ కేసును సమగ్రంగా దర్యాప్తు చేపడతాం. ఎవరైనా విష ప్రయోగం చేసి హత్య చేశారా అనే కోణంలో కూడా దర్యాప్తు చేస్తాం' అని పేర్కొన్నారు.
2018లో సందీప్ యాదవ్పై చర్యలు చేపట్టిన ఈడీ.. రూ.86 లక్షలు విలువైన స్థిరాస్తి, చరాస్తులను సీజ్ చేసిందని అధికారులు వెల్లడించారు. ఇందులో భాగంగా వారు స్వాధీనం చేసుకున్న ఓ ప్లాట్, ఫ్లాట్ల ధరే రూ.50 లక్షలు ఉంటుందని తెలిపారు. బిహార్లోని గయా, ఔరంగాబాద్ జిల్లాల్లో ఈ సోదాలు నిర్వహించి చర్యలు చేపట్టినట్లు చెప్పుకొచ్చారు.
ఇదీ చూడండి : కాంగ్రెస్ నేతలపై సీబీఐ.. శివసైనికులపై ఈడీ.. దేశవ్యాప్తంగా కేంద్ర సంస్థల సోదాలు
