దేశంలో ప్రస్తుతం కరోనా కేసుల సంఖ్య తగ్గుతోందని కేంద్ర ఆరోగ్య శాఖ కార్యదర్శి రాజేష్ భూషణ్ తెలిపారు. కానీ నాలుగు రాష్ట్రాల్లో కరోనా మళ్లీ విజృంభిస్తోందని ఆవేదన వ్యక్తం చేశారు.
కేంద్ర ఆరోగ్యశాఖ తెలిపిన వివరాల ప్రకారం
- కేసులు గణనీయంగా తగ్గిన రాష్ట్రాలు
మహారాష్ట్ర, కర్ణాటక, తమిళనాడు, ఉత్తర్ప్రదేశ్
- కేసులు గణనీయంగా పెరిగిన రాష్ట్రాలు
కేరళ, దిల్లీ, పశ్చిమ్ బంగా, మణిపుర్
అక్టోబరు 3నుంచి నవంబరు 3 వరకు ఈ రాష్ట్రాల్లో కొవిడ్ కేసులు పెరిగాయని స్పష్టం చేశారు.
- సెప్టెంబర్ 16-22 మధ్య రోజూ నమోదైన సరాసరి కేసులు : 90,346
- అక్టోబరు 28-నవంబరు3 వరకు రోజూ నమోదైన సరాసరి కేసులు : 45,884
- సెప్టెంబర్ 16-22 మధ్య రోజూ నమోదైన సరాసరి మరణాల సంఖ్య -1,165
- అక్టోబరు 28-నవంబరు3 వరకు రోజూ నమోదైన సరాసరి సరాసరి మరణాల సంఖ్య -513
దేశంలో ఇప్పటివరకు 11కోట్లమందికి పైగా కరోనా పరీక్షలు నిర్వహించామని భూషణ్ తెలిపారు. రోజూవారీ పాజిటివ్ రేటు క్రమంగా తగ్గుతోందని వెల్లడించారు. దిల్లీలో వెంటిలేటర్ల కొరత లేదని స్పష్టం చేశారు.
దేశంలో చాలామంది ప్రజలకు ఇంకా కొవిడ్-19ను తేలిగ్గా తీసుకుంటున్నారని నీతి ఆయోగ్ సభ్యులు వీకే పాల్ తెలిపారు. లక్షణాలుంటే వెంటనే కరోనా పరీక్షలు చేయించుకోవాలని సూచించారు.
