శబరిమల ఆలయంలో వర్చువల్ క్యూ పద్ధతి ద్వారా దర్శనానికి అనుమతి ఇస్తామని కేరళ ముఖ్యమంత్రి పినరయి విజయన్ వెల్లడించారు. ఈ విధానంలో ఒకేసారి 50 మందికి వెళ్లే అవకాశం ఉంటుందని స్పష్టం చేశారు.
దర్శనంలో భాగంగా నీలక్కళ్, పంబా, సన్నిధానంలో శరీర ఉష్ణోగ్రతను కొలిచేందుకు థర్మల్ స్కానర్లు ఏర్పాటు చేస్తామని విజయన్ తెలిపారు. ఆలయ దర్శన పునరుద్ధరణలో భాగంగా తీసుకున్న చర్యలను ప్రస్తావించారు.
- దర్శనానికి వచ్చే భక్తులు మాస్కులు ధరించటం తప్పనిసరి
- దేవాలయ సిబ్బంది కూడా మాస్కులు, గ్లౌజులు ధరించాలి
- నెయ్యాభిషేకం కోసం ఉపయోగించే నెయ్యిని అందించేందుకు ప్రత్యేక కౌంటర్ల ఏర్పాటు
- పూజారులు ప్రసాద వితరణ చేయకూడదు
- కేంద్ర ప్రభుత్వ మార్గదర్శకాలకు అనుగుణంగా 10 ఏళ్లలోపు పిల్లలు, 65 ఏళ్లు పైబడినవారికి ప్రవేశం లేదు
- కొడియెట్టు, అరట్టు వంటి వేడుకలకు పరిమిత సంఖ్యలో భక్తులకు అనుమతి
- భక్తులకు టోకెన్ల (వర్చువల్ క్యూ సిస్టమ్) ద్వారా ప్రవేశానికి అనుమతి
అయితే ఇతర రాష్ట్రాల భక్తుల దర్శనానికి సంబంధించి ఇంకా ఎలాంటి నిర్ణయం తీసుకోలేదని సీఎం విజయన్ స్పష్టం చేశారు.
ఇదీ చూడండి: జులై 21 నుంచి అమర్నాథ్ యాత్ర.. ఇవి తప్పనిసరి!
