కేంద్ర మంత్రులుగా గురువారం ప్రమాణ స్వీకారం చేసిన వారికి శాఖల కేటాయింపు పూర్తయింది. ప్రధాని నరేంద్రమోదీ సిఫార్సులకు ఈ మేరకు ఆమోదముద్ర వేసి ఉత్తర్వులు జారీ చేశారు రాష్ట్రపతి రామ్నాథ్ కోవింద్. కొందరు పాత శాఖల్లోనే కొనసాగితే.. మరికొందరి శాఖల్లో మార్పు కలిగింది. కొత్తవారికీ కొన్ని కీలక శాఖలను ఇచ్చింది మోదీ సర్కార్.
సార్వత్రిక ఎన్నికల్లో ఎన్డీఏ ఘన విజయం సాధించడంలో కీలక పాత్ర పోషించిన అమిత్ షాకు కేంద్ర హోంమంత్రి పదవి దక్కింది. ఇంత కాలం ఆ శాఖ బాధ్యతలు నిర్వహించిన రాజ్నాథ్ సింగ్కు... రక్షణ శాఖ కేటాయించారు.
గత ప్రభుత్వంలో రక్షణ శాఖ మంత్రిగా ఉన్న నిర్మలా సీతారామన్కు కీలకమైన ఆర్థిక శాఖను అప్పగించారు. అనారోగ్య కారణాలతో అరుణ్ జైట్లీ తప్పుకోవడం వల్ల అనూహ్యంగా సీతారామన్కు ఈ శాఖ దక్కింది. ఆర్థిక శాఖ సహాయ మంత్రి పదవి అనురాగ్ ఠాకూర్కు కేటాయించారు. వీరిద్దరూ అరుణ్ జైట్లీకి సన్నిహితులే.
ఎవరికీ కేటాయించని సిబ్బంది వ్యవహారాల శాఖ, అణు శక్తి, అంతరిక్షం వంటి కీలకమైన శాఖలు ప్రధాని నరేంద్రమోదీ ఆధీనంలోనే ఉన్నాయి.
కాంగ్రెస్ కంచుకోట అమేఠీలో ఆ పార్టీ అధ్యక్షుడు రాహుల్ గాంధీని ఓడించిన స్మృతి ఇరానీకి మహిళ, శిశు సంక్షేమ శాఖను కేటాయించారు. గత ప్రభుత్వంలో నిర్వర్తించిన జౌళిశాఖ ఆమె వద్దే ఉండనుంది.
గతంలో విదేశాంగ కార్యదర్శిగా పని చేసిన ఎస్.జైశంకర్కు విదేశాంగ శాఖ మంత్రి పదవి దక్కింది. ఓ దౌత్యాధికారి విదేశాంగ శాఖ బాధ్యతలు స్వీకరిచడం ఇదే తొలిసారి.
భాజపా తొలి హయాంలో రోడ్డు రవాణా, రహదాల శాఖ మంత్రిగా సమర్థంగా పని చేశారని పేరు తెచ్చుకున్న నితిన్ గడ్కరీ అదే శాఖలో కొనసాగనున్నారు. ఆయనకు సూక్ష్మ, చిన్న, మధ్య తరహా పరిశ్రమల శాఖ బాధ్యతలను అదనంగా అప్పగించారు.
గత ప్రభుత్వంలో రైల్వే శాఖ మంత్రిగా పని చేసిన పియూష్ గోయల్కు ఈసారి అవే బాధ్యతలు దక్కాయి. కీలకమైన వాణిజ్యం, పరిశ్రమల శాఖ మంత్రి బాధ్యతలనూ ఆయనే నిర్వర్తించనున్నారు. గతంలో పియూష్ వద్ద ఉన్న బొగ్గు గనుల శాఖను నూతనంగా మంత్రివర్గంలోకి వచ్చిన ప్రహ్లాద్ జోషికి అప్పగించింది మోదీ సర్కార్. ఆయన పార్లమెంటు వ్యవహారాలు, గనుల శాఖ మంత్రిగానూ సేవలు అందించనున్నారు.
న్యాయ, సామాచార సాంకేతిక మంత్రిగా రవి శంకర్ ప్రసాద్ కొనసాగనున్నారు. ఆయనకు టెలికాం శాఖ కూడా దక్కింది. చమురు, సహజవాయువు శాఖ మంత్రిగా ధర్మేంద్ర ప్రదాన్ కొనసాగనున్నారు. అదనంగా ఉక్కు శాఖ బాధ్యతలూ అప్పగించారు.
కొత్తగా సృష్టించిన జల్శక్తి శాఖ మంత్రిగా వ్యవహరించనున్నారు గజేంద్ర సింగ్ షెకావత్.
వ్యవసాయ శాఖ, గ్రామీణాభివృద్ధి, పంచాయతీ శాఖ మంత్రి పదవిని నరేంద్ర సింగ్ తోమర్ దక్కించుకున్నారు. సమాచార ప్రసార శాఖతో పాటు పర్యావరణ శాఖను ప్రకాశ్ జావడేకర్కు కేటాయించారు.
సదానంద గౌడకు రసాయనాలు, సేంద్రియ ఎరువుల శాఖను అప్పగించగా, ఫుడ్ ప్రాసెసింగ్ మంత్రిగా అకాలీదళ్ నేత హర్సిమ్రన్ కౌర్ బాదల్ కొనసాగనున్నారు. కొత్తగా మంత్రివర్గంలోకి వచ్చిన తావర్చంద్ గహ్లోత్ సామాజిక న్యాయం, సాధికారత మంత్రిగా వ్యవహరించనున్నారు.
విమానయాన శాఖ స్వతంత్ర హోదాలో సహాయ మంత్రి పదవిని మాజీ దౌత్యాధికారి హర్దీప్ పురి దక్కించున్నారు. విద్యుత్, పునరుత్పాదక శక్తి శాఖ మంత్రిగా కొనసాగనున్నారు ఆర్కే సింగ్.
ఎనిమిది సార్లు ఎంపీగా గెలిచిన సంతోశ్ కుమార్ గంగ్వార్ స్వతంత్ర హోదాతో కార్మిక, ఉద్యోగ శాఖ మంత్రిగా బాధ్యతలు నిర్వర్తించనున్నారు.
సార్వత్రిక ఎన్నికల్లో భాజపా నేతృత్వంలోని ఎన్డీఏకి 353 లోక్సభ స్థానాలు రాగా, ఒక్క భాజపానే 303 స్థానాలు సాధించింది.
కేబినెట్ మంత్రులు....
- నరేంద్రమోదీ- సాధారణ పరిపాలన, కేటాయించని ఇతర శాఖలు
- రాజ్నాథ్సింగ్- రక్షణ శాఖ
- అమిత్షా- హోంశాఖ
- నితిన్ గడ్కరీ- రవాణా శాఖ, సూక్ష్మ, చిన్న, మధ్య తరహా పరిశ్రమల శాఖ
- సదానంద గౌడ- రసాయనాలు, ఎరువుల శాఖ
- నిర్మలా సీతారామన్- ఆర్థిక, కార్పొరేట్ వ్యవహారాలు
- రామ్ విలాస్ పాసవాన్- వినియోగదారుల వ్యవహారాలు, ఆహారం, ప్రజాపంపిణీ శాఖ
- నరేంద్ర సింగ్ తోమర్- వ్యవసాయం, రైతు సంక్షేమ శాఖ, గ్రామీణాభివృద్ధి, పంచాయతీరాజ్ శాఖ
- రవిశంకర్ ప్రసాద్- న్యాయశాఖ, సమాచార శాఖ, ఎలక్ట్రానిక్స్ అండ్ ఐటీ శాఖ
- హర్సిమ్రత్ కౌర్ బాదల్- ఫుడ్ ప్రాసెసింగ్ పరిశ్రమల శాఖ
- థావర్ చంద్ గెహ్లోత్- సామాజిక న్యాయం, సాధికారత శాఖ
- ఎస్ జైశంకర్- విదేశాంగ శాఖ
- రమేశ్ పోఖ్రియాల్ నిషాంక్- మానవ వనరుల అభివృద్ధి శాఖ
- అర్జున్ ముండా- గిరిజన వ్యవహారాల శాఖ
- స్మృతి ఇరానీ- మహిళా, శిశు సంక్షేమ శాఖ, జౌళి శాఖ
- హర్షవర్దన్‌- ఆరోగ్యం, సైన్స్‌ అండ్ టెక్నాలజీ
- ప్రకాశ్ జావడేకర్- అటవీ, పర్యావరణ మంత్రిత్వ శాఖ, ఐఅండ్‌బీ
- పీయూష్‌ గోయల్- పరిశ్రమలు, వాణిజ్యం, రైల్వేలు
- ధర్మేంద్ర ప్రధాన్‌- పెట్రోలియం, ఉక్కు
- ముక్తార్‌ అబ్బాస్‌ నఖ్వీ- మైనారిటీ వ్యవహారాలు
- ప్రహ్లాద్ జోషి- పార్లమెంటరీ వ్యవహారాలు, బొగ్గు, గనులు
- మహేంద్రనాథ్‌ పాండే- నైపుణ్యాభివృద్ధి, ఎంటర్‌ప్రైన్యూర్‌ షిప్‌
- అరవింద్‌ సావంత్‌- భారీ పరిశ్రమలు, ప్రభుత్వ రంగ సంస్థలు
- గిరిరాజ్‌ సింగ్- పాడి, పశుగణాభివృద్ధి, ఫిషరీస్‌
- గజేంద్రసింగ్‌ షెకావత్ - నీటివనరులు(జల్ శక్తి)
స్వతంత్ర హోదాలో....
- సంతోష్‌ కుమార్ గాంగ్వర్‌ - శ్రామిక, ఉపాధి కల్పన శాఖ
- ఇంద్రజీత్‌ సింగ్ – ప్రణాళిక, గణాంక శాఖ
- శ్రీపాద యశోనాయక్‌ - ఆయుష్‌, రక్షణ శాఖ సహాయమంత్రి
- జితేంద్రసింగ్‌ - సిబ్బంది వ్యవహారాలు, అణు ఇంధన శాఖ
- జితేంద్రసింగ్‌ - అంతరిక్ష పరిశోధన, ఈశాన్య రాష్ట్రాల వ్యవహారాలు
- జితేంద్రసింగ్‌ - పీఎంవో సహాయమంత్రి
- కిరణ్‌ రిజిజు - క్రీడలు, యువజన, మైనారిటీ వ్యవహారాలు
- ప్రహ్లాద్‌సింగ్‌ పటేల్‌ - సాంస్కృతిక పర్యాటక శాఖ
- రాజ్‌కుమార్‌ సింగ్ - విద్యుత్, సంప్రదాయేతర విద్యుత్, నైపుణ్యాభివృద్ధి
- హర్దీప్ సింగ్ పూరి – గృహనిర్మాణం, విమానయానం, వాణిజ్య పరిశ్రమల శాఖ
- మన్‌సుఖ్‌ మాండవ్య – షిప్పింగ్‌, రసాయనాలు, ఎరువులు
సహాయ మంత్రులు...
- ఫగన్‌సింగ్‌ కులస్థే - ఉక్కు శాఖ సహాయమంత్రి
- అశ్వనీకుమార్‌ చౌబే - ఆరోగ్యం, కుటుంబ సంక్షేమ శాఖ సహాయమంత్రి
- అర్జున్‌రామ్‌ మేఘవాల్‌ - పార్లమెంటరీ వ్యవహారాలు, భారీ పరిశ్రమలు, ప్రభుత్వ రంగ సంస్థలు సహాయమంత్రి
- జనరల్‌ వీకే సింగ్ - రహదారులు, రవాణా శాఖ సహాయమంత్రి
- కిషన్‌పాల్‌ - సాంఘిక న్యాయం, సాధికారత శాఖ సహాయమంత్రి
- రావు సాహెబ్‌ దాన్వే - వినియోగదారుల వ్యవహారాలు, ఆహారం, ప్రజాపంపిణీ సహాయమంత్రి
- కిషన్‌రెడ్డి - హోంశాఖ సహాయమంత్రి
- పురుషోత్తమ్‌ రూపాలా - వ్యవసాయం, రైతు సంక్షేమం సహాయమంత్రి
- రాందాస్‌ అథవాలే - సాంఘిక న్యాయం, సాధికారత సహాయమంత్రి
- సాధ్వి నిరంజన్‌ జ్యోతి - గ్రామీణాభివృద్ధి శాఖ సహాయమంత్రి
- బాబుల్‌ సుప్రియో - అటవీ పర్యావరణ శాఖ సహాయమంత్రి
- సంజీవ్‌కుమార్‌ బల్యాన్‌ - పాడి, పశుగణాభివృద్ధి, ఫిషరీస్‌ సహాయమంత్రి
- సంజయ్‌ ధోత్రే - మానవ వనరులు, కమ్యూనికేషన్‌, ఐటీ శాఖ సహాయమంత్రి
- అనురాగ్ ఠాకూర్ - ఆర్థిక, కార్పొరేట్ వ్యవహారాల శాఖ సహాయమంత్రి
- సురేష్‌ చిన బసప్ప – రైల్వే శాఖ సహాయమంత్రి
- రతన్‌లాల్‌ కఠారియా - నీటివనరులు, సాంఘిక న్యాయం, సాధికారత శాఖ సహాయమంత్రి
- మురళీధరన్‌ - పార్లమెంటరీ వ్యవహారాలు, విదేశీ వ్యవహారాల శాఖ సహాయమంత్రి
- రేణుకా సింగ్ సరూటా - గిరిజన వ్యవహారాల శాఖ సహాయమంత్రి
- సోంప్రకాశ్‌ - పరిశ్రమలు, వాణిజ్యం సహాయమంత్రి
- రామేశ్వర్‌ తేలి - ఆహార శుద్ధి పరిశ్రమల శాఖ సహాయ మంత్రి
- ప్రతాప్‌చంద్ర సారంగి - మధ్య, చిన్నతరహా పరిశ్రమలు, పాడి పశుగణాభివృద్ధి శాఖ సహాయమంత్రి
- కైలాస్ చౌదరి - వ్యవసాయం, రైతు సంక్షేమ శాఖ సహాయమంత్రి
- దేవశ్రీ చౌదరి - మహిళా శిశు సంక్షేమ శాఖ సహాయమంత్రి
