దివ్యాంగులు, పేదల పాలిట సూపర్​ హీరో

ఆర్థికంగా పేద. విలువల విషయంలో మాత్రం కుబేరుడు. ఆ వ్యక్తిత్వమే అతడ్ని ఉడిపి వాసులకు సుపరిచితుడ్ని చేసింది. ఎవరా వ్యక్తి? ఏం చేస్తున్నాడు?

ప్రస్తుత సమాజంలో రెండు చేతులా సంపాదిస్తున్న వారు కూడా దానం చేసే ముందు కొంచెం ఆలోచిస్తారు. కానీ, కర్ణాటకలోని ఉడిపి నగరానికి చెందిన రోజు కూలీ రవికుమార్​ మాత్రం అందుకు భిన్నం. దానం చేసేంత ఆస్తి లేకున్నా... తన చుట్టూ సాయం కోసం ఎదురు చూస్తున్న వారికి తోడుగా నిలుస్తున్నారు. ఖాళీ సమయం ఉన్నప్పుడు, ప్రత్యేకంగా పండుగ రోజుల్లో స్పైడర్​మ్యాన్​, ద మమ్మీ రిటర్న్స్​లోని ఇంఫోటెప్​ తదితర వేషధారణలతో స్థానికులకు వినోదం పంచుతారు. అలా సంపాదించిన డబ్బును దివ్యాంగుల, పేదవారి శ్రేయస్సుకు వినియోగిస్తున్నారు.

పేదవారికి సాయం చేయాలన్న రవి ఆలోచనను ఆయన స్నేహితులు అభినందిస్తున్నారు. దాదాపు 80 మంది రవికుమార్​కు అండగా నిలిచి తమవంతు ఆర్థికసాయం అందిస్తున్నారు.

ఇతరుల కోసం డబ్బు సంపాదించడంలో ఎంతో ఆనందం ఉందని రవికుమార్​ చెబుతున్నారు.