కర్ణాటక: ప్రాణాల కోసం సాహసం చేయాల్సిందే.!

భారీ వర్షాలకు కర్ణాటకలోని దక్షిణ కన్నడ జిల్లాలో నేత్రావతి నది ఉద్ధృతంగా ప్రవహిస్తోంది. ఛార్మాడీ గ్రామంలో చిక్కుకున్న ఇద్దరు చిన్నారులు, ఇద్దరు గర్భిణీ స్త్రీలతో సహా 85 మందిని ఎన్​డీఆర్​ఎఫ్​ బృందాలు రక్షించాయి. ఈ దృశ్యాలు సినిమా సాహసాలను తలపించాయి.

కర్ణాటకను భారీ వర్షాలు ముంచెత్తుతున్నాయి. వాగులు, నదులు ఉప్పొంగుతున్నాయి. దక్షిణ కన్నడ జిల్లా బెల్తాంగాడి ప్రాంతంలో ప్రవహించే నేత్రావతి నది ఉగ్రరూపం దాల్చింది. నదీ పరివాహక ప్రాంతాలు నీట మునిగాయి. బెల్తాంగాడి తాలూక ఛార్మాడీ గ్రామంలో ప్రజలు వరదల్లో చిక్కుకుపోయారు.

గ్రామస్థులను రక్షించేందుకు ఎన్డీఆర్​ఎఫ్​ బృందాలు రంగంలోకి దిగాయి. ఉద్ధృతంగా ప్రవహిస్తున్న నదిపై తాడు సహాయంతో ఒక్కొక్కరిని దాటిస్తున్న దృశ్యాలు సినిమాను తలపించాయి. ఇద్దరు గర్భిణీలు, ఇద్దరు పసిపాపలతో సహా మొత్తం 85 మంది రక్షించారు. సురక్షిత ప్రాంతాలకు తరలించారు.

కర్ణాటక: సినిమా దృశ్యాలను తలపించిన సహాయక చర్యలు

ఇదీ చూడండి: దేశవ్యాప్తంగా వర్షబీభత్సం.. 114కు చేరిన మృతులు