జమ్ముకశ్మీర్ పుల్వామా జిల్లాలో ఉదయం నుంచి జరిగిన ఎదురుకాల్పుల్లో ఇద్దరు ముష్కరులు హతమయ్యారు. ఉగ్రవాదులు ఉన్నారన్న సమాచారం మేరకు దంగెర్పొరా ప్రాంతంలో నిర్బంధ తనిఖీలు చేపట్టిన భారత సైన్యంపై.. ముష్కరులు కాల్పులకు దిగారు. ఉదయం నుంచి ఇరువర్గాల మధ్య హోరాహోరీ కాల్పులు జరిగాయి. దీటుగా బదులిచ్చిన భారత బలగాలు ఇద్దరిని మట్టుబెట్టాయి.
వీరు ఏ ఉగ్ర సంస్థకు చెందినవారో తెలియాల్సి ఉంది. మిగిలిన ఉగ్రవాదుల కోసం గాలింపు చర్యలు ఇంకా కొనసాగుతున్నాయి.
శుక్రవారం పాక్ సైన్యం జరిపిన కాల్పుల్లో గాయపడిన ఇద్దరు జవాన్లు ఇవాళ ఉదయం మరణించారు. మరో జవాను, ముగ్గురు పౌరులు గాయపడ్డారు.
ఇదీ చదవండి: పాక్ కవ్వింపు చర్యలు.. ఇద్దరు భారత జవాన్లు మృతి
