అసోంలో భారీ వర్షాలు బీభత్సం సృష్టించాయి. వేర్వేరు జిల్లాల్లో కొండచరియలు విరిగిపడి 20మంది మృతి చెందారు. మరికొందరికి గాయాలయ్యాయి. మృతుల సంఖ్య ఇంకా పెరిగే ప్రమాదం ఉన్నట్లు తెలుస్తోంది.
కచార్‌ జిల్లాలో ఏడుగురు, హైలాకాండీ జిల్లాలో ఏడుగురు, కరీంగంజ్‌ జిల్లాలో ఆరుగురు కొండచరియలు విరిగిపడి సజీవ సమాధి అయ్యారు. మృతి చెందినవారిలో మహిళలు, చిన్నారులు ఉన్నట్లు అధికారులు వెల్లడించారు. బంగ్లాదేశ్‌ సరిహద్దున ఉన్న కరీంగంజ్‌ జిల్లాలో ఆరుగురు మృతి చెందగా.... అందులో ఐదుగురు ఒకే కుటుంబానికి చెందిన వారు ఉన్నట్లు అధికారులు చెప్పారు.
