అమెరికా హ్యూస్టన్లో ఈ నెల 22న 'హౌదీ-మోదీ' కార్యక్రమం జరగనుంది. ఈ సభకు అమెరికా అధ్యక్షుడు డొనాల్డ్ ట్రంప్ రావడం ఇరు దేశాల బలమైన స్నేహానికి నిదర్శనమని ప్రధాని నరేంద్ర మోదీ ట్విట్టర్ ద్వారా తెలిపారు.
"హ్యూస్టన్ సభకు అధ్యక్షుడు డొనాల్డ్ ట్రంప్ రావడం ఓ మంచి సంకేతం. ఇది ఇరు దేశాల మధ్య ఉన్న బంధాన్ని తెలియజేస్తుంది. అమెరికా అభివృద్ధికి భారత సంతతి ప్రజలు చేస్తోన్న కృషికి ఇది నిదర్శనంగా నిలుస్తుంది."
- నరేంద్ర మోదీ, ప్రధాని
అమెరికాలోని భారతీయ సంఘాలు టెక్సాస్‌ రాష్ట్రం హ్యూస్టన్లో ఈ నెల 22న భారీ సభను నిర్వహిస్తున్నాయి. ఎన్‌ఆర్‌జీ స్టేడియంలో జరిగే ఈ కార్యక్రమానికి దాదాపు 50వేల మంది హాజరవుతారని నిర్వాహకులు తెలిపారు.'హౌదీ మోదీ' కార్యక్రమం అనంతరం ఈ నెల 27న ఐక్యారాజ్య సమితి సర్వసభ్య సమావేశంలో మోదీ ప్రసంగిస్తారు.
ఇదీ చూడండి:అమెరికా, భారత్ సైనికులకు సంయుక్త శిక్షణ
