ఈ నెలాఖరులో భారత కమాండర్ల సమావేశం

సరిహద్దుల్లో కొనసాగుతున్న ఉద్రిక్తతలపై చర్చించేందుకు వచ్చేవారం భారత కమాండర్లు​ సమావేశం కానున్నారు. ఈ భేటీలో పలు కీలక అంశాలు చర్చకు రానున్నట్లు సమాచారం.

దేశ సరిహద్దుల్లో ఉద్రిక్త పరిస్థితులు కొనసాగుతున్న వేళ సైనిక ఉన్నతాధికారులు భేటీ కానున్నారు. ఈ నెల 26 నుంచి 29 వరకు జరగనున్న కమాండర్ల​​ సమావేశంలో సరిహద్దు పరిస్థితులు, వ్యయాలను తగ్గించేందుకు వస్తున్న ప్రతిపాదనపై చర్చించనున్నట్లు అధికారులు తెలిపారు.

సైనిక వేడుకలకు అయ్యే ఖర్చును తగ్గించాలని, కొన్ని అనవసర కార్యక్రమాలను వాయిదా వేయాలని పలు ప్రతిపాదనలు వచ్చినట్టు అధికారులు చెప్పారు. కలర్ ప్రెజెంటేషన్​, రెజిమెంటల్ రీయూనియన్స్​ వంటి వేడుకలను నిర్వహించడానికి అధిక మొత్తంలో ఖర్చు అవుతోందని అధికారులు భావిస్తున్నారు. ఈ తరుణంలోనే ఈ ప్రతిపాదనలు వచ్చినట్లు సమాచారం.

ఇదీ చూడండి: ఈ వారంలోనే భారత్-చైనా 8వ దఫా సైనిక చర్చలు!