నీటి కోసం కొండను తొలిచిన మహిళా భగీరథులు

మధ్యప్రదేశ్​ ఛతర్​పుర్​ జిల్లాలోని ఓ గ్రామానికి చెందిన కొంతమంది మహిళలు కొండను తొలిచి, అర కిలోమీటరు కాలువను తవ్వారు. ఓ మహిళ ప్రేరణతో ఈ బృహత్తర కార్యానికి శ్రీకారం చుట్టారు. 18 నెలలు తీవ్రంగా శ్రమించి అనుకున్న పని పూర్తి చేశారు.

బిహార్​కు చెందిన లాంగీ భుఈ తన ఊరులోని నీటి కష్టాలను తీర్చడానికి ఒక్కడే.. కొండను తొలిచి కాలువను నిర్మించిన సంగతి మనందరికీ తెలుసు. ఇలాంటి సంఘటనే మధ్యప్రదేశ్​ ఛతర్​పుర్​లోని అంగూటాలో జరిగింది. అయితే ఆయనలా ఒంటరిగా కాదు.. ఓ మహిళా బృందం ఇలాంటి పనే చేసింది. ఆ గ్రామంలోని 250 మంది మహిళలు కలిసి తమ ఊరులో నీటి కష్టాలను తీర్చుకోవడానికి 18 నెలలు కఠోరంగా శ్రమించారు. ఓ కొండను తొలచి, అర కిలోమీటర్​ మేర కాలువను తవ్వి.. ఊరులో చెరువుకు అనుసంధానం చేశారు.

మహిళలు తవ్విన కాలువ

శ్రమిస్తున్న మహిళా భగీరథులు

రాళ్లను వెరుతున్న మహిళలు

విశ్రాంతి తీసుకుంటున్న మహిళా భగీరథులు

ఊరులోని చెరువు

కాలువను తవ్వుతున్న మహిళలు

"వృథాగా అడవిలోకి పోతున్న నీటిని ఊరు చెరువులోకి పంపాలని నిర్ణయించుకున్నాం. ఓ మహిళా బృందాన్ని ఏర్పాటు శాం. 18 నెలలకు పైగా కష్టపడి గ్రామంలోని చెరువుకి అనుసంధానంగా అర కిలోమీటరు మేర కాలువను తవ్వాం."

-- భవితా రాజ్​పుత్, స్థానిక మహిళ​

'తాగడానికి, పంటలు పండించడానికి నీటి కొరతను ఎదుర్కొంటున్నాం. అందుకే ఎంత కష్టమైనా.. రాళ్లు రప్పలతో కూడిన కొండను తొలచి గ్రామంలోని చెరువు వరకు కాలువను తవ్వుకున్నాం. ఇప్పుడు మా ఊరులో నీటి కొరత తీరింది' అని గ్రామానికి చెందిన మహిళలు చెబుతున్నారు.

ఇదీ చూడండి: నీటి కోసం 30 ఏళ్ల పాటు కాలువ తవ్విన భగీరథుడు