తృణమూల్ కాంగ్రెస్ 23వ ఆవిర్భావ దినోత్సవాన్ని పార్టీ కార్యకర్తలు, నాయకులు బంగాల్లో ఘనంగా నిర్వహించారు. ఈ సందర్భంగా.. నిరంతరం ప్రజల కోసమే పని చేస్తానని టీఎంసీ అధినేత్రి, సీఎం మమతా బెనర్జీ స్పష్టం చేశారు. టీఎంసీ సీనియర్ నాయకులు.. రాష్ట్ర పార్టీ ప్రధాన కార్యాలయంలో జెండా ఎగురవేశారు. ప్రజల కోసం పనిచేస్తున్న కార్యకర్తలు, నాయకులను ప్రశంసించారు. కార్యకర్తలను ఉద్దేశించి మాట్లాడారు దీదీ.
"ఇవాళ్టికి తృణమూల్ ఆవిర్భవించి 23 ఏళ్లు. 1998 ఇదే రోజున(జనవరి1) పార్టీని స్థాపించి నా ప్రయాణాన్ని ప్రారంభించా. ఈ 23 సంవత్సరాల్లో ఎన్నో కష్టాల్ని మనం ఎదుర్కొన్నాం. అయితే వాటన్నింటినీ అధిగమిస్తూ ఇందాకా వచ్చాం. బంగాల్ రాష్ట్రాన్ని ఇంకా మెరుగుపరచడానికి మనందరం తీవ్రంగా కృషి చేయాలి. మన అంతిమ లక్ష్యం ప్రజలకు సేవ చేయడమే. దానికోసం మనం ఎక్కడివరకైనా వెళ్లాలి."
- మమతా బెనర్జీ, టీఎంసీ అధినేత్రి, బంగాల్ సీఎం
తొలిసారిగా 2011లో దీదీ నేతృత్వంలోని తృణమూల్ రాష్ట్రంలో అధికారంలోకి వచ్చింది. దాదాపు 9 ఏళ్లకుపైగా మమత.. ముఖ్యమంత్రిగా కొనసాగుతున్నారు. ఈ ఏడాది ఏప్రిల్- మే లో బంగాల్ అసెంబ్లీ ఎన్నికలు జరగనున్నాయి. అయితే.. ఈసారి అధికార పార్టీకి భాజపా గట్టిపోటీని ఇచ్చే అవకాశాలు కనిపిస్తున్నాయి.
ఇదీ చూడండి: రాజకీయాల కోసం చదువుకు దూరమవ్వలేను: ఆర్య
