వలస కష్టాలు: అసలే కరోనా.. ఆపై మండే ఎండలు

మహారాష్ట్ర ముంబయిలో వలస కూలీల కష్టాలు అన్నీఇన్నీ కావు. సొంతగూటికి చేరేందుకు వసాయ్​ ప్రాంతంలోని మైదానంలో వేలాది మంది కూలీలు ఎండలో పడిగాపులు కాసారు. వసాయ్ రైల్వే స్టేషన్​ నుంచి ఆరు ప్రత్యేక శ్రామిక్​ రైళ్ల ద్వారా వీరిని స్వస్థలాలకు పంపేందుకు ఏర్పాట్లు చేసింది రైల్వేశాఖ.

తమ స్వస్థలాలకు వెళ్లేందుకు వేలాది మంది వలస కార్మికులు మహారాష్ట్ర ముంబయి వసాయ్​ ప్రాంతంలోని మైదానంలో పగలంతా పడిగాపులు కాసారు. ఓవైపు కరోనా సోకుతుందనే భయం.. మరోవైపు మండే ఎండ.. ఇదీ వారి పరిస్థితి. వసాయ్​ రైల్వేస్టేషన్​ నుంచి ఉత్తర్​ప్రదేశ్​ వెళ్లేందుకు ఆరు ప్రత్యేక శ్రామిక్ రైళ్లను అధికారులు ఏర్పాటు చేశారు. దీంతో వలస కూలీలు వేల సంఖ్యలో అక్కడకు చేరుకున్నారు.

మొత్తం 3,060 శ్రామిక్​ రైళ్లు...

దేశవ్యాప్తంగా మే 25 వరకు మొత్తం 3,060 శ్రామిక్​ రైళ్లను నడిపినట్లు రైల్వే శాఖ ప్రకటించింది.

ఇదీ చూడండి:''మహా' ప్రభుత్వ నిర్ణయాలతో మాకే సంబంధం లేదు'