ఓ యువ వ్యాపారవేత్తను పట్టపగలే అందరూ చూస్తూ ఉండగా దారుణంగా హత్యచేసిన ఘటన కర్ణాటక మంగుళూరులో జరిగింది. మల్కి ఏరియాలోని హెచ్డీఎఫ్సీ బ్యాంకు సమీపంలో అబ్దుల్ లతీఫ్ అనే యువ వ్యాపారవేత్తపై ఎనిమిది మంది దుండగులు దాడిచేశారు. వారి నుంచి తప్పించుకోవడానికి బాధితుడు బ్యాంకులోకి పరుగెత్తాడు. కానీ అతడ్ని వెంబడించిన దుండగులు కత్తులతో విచక్షణా రహితంగా దాడి చేశారు. పలుమార్లు అతడ్ని పొడిచారు. బాధను తట్టుకోలేక అతను బ్యాంకు మెట్లపైనే విలవిలలాడాడు. చుట్టు పక్కల చాలా మంది ఉన్నా ఎవరూ బాధితుడికి సాయం చేయలేదు. దీనితో ఘటనా స్థలంలోనే అతను చనిపోయాడు.
పట్టపగలే యువ వ్యాపారవేత్త దారుణ హత్య
