వేర్పాటువాద సంస్థ హురియత్ నాయకుడు అష్రఫ్ సెహ్రాయ్ను, నిషేధిత జమాతే ఇస్లామీ సభ్యులను అదుపులోకి తీసుకున్నట్లు జమ్ముకశ్మీర్ పోలీసు చీఫ్ దిల్బాగ్ సింగ్ తెలిపారు. వారిపై ప్రజా భద్రత చట్టం కింద కేసు నమోదు చేసే అవకాశముందని ఆయన పేర్కొన్నారు
"పాకిస్థాన్ అనుకూల తెహ్రీక్ ఏ హురియత్ ఛైర్పర్సన్ అష్రఫ్ సెహ్రాయ్తో పాటు జమాతే ఇస్లామీకి చెందిన 12 మందిని అదుపులోకి తీసుకున్నాం."
- దిల్బాగ్ సింగ్, జమ్ముకశ్మీర్ పోలీసు చీఫ్
గిలానీ నుంచి బాధ్యతలు..
కొద్దిరోజుల క్రితం ప్రముఖ వేర్పాటువాద నేత సయ్యద్ అలీషా గిలానీ... తాను రాజకీయాల నుంచి పూర్తిగా వైదొలగుతున్నట్లు ప్రకటించారు. దీనితో ఆల్ పార్టీ హురియత్ కాన్ఫరెన్స్లోని తెహ్రీక్ ఏ హురియత్ బాధ్యతలను అష్రఫ్ సెహ్రాయ్ స్వీకరించారు. ఇది 26 వేర్పాటువాద సంస్థల సమ్మేళనం.
తేడా ఉంది..
మీర్వైజ్ ఉమర్ ఫారూక్ నేతృత్వంలోని 'హురియత్'... చర్చల ద్వారా జమ్ముకశ్మీర్ సమస్యను పరిష్కరించాలని కోరుతోంది. ఈ హురియత్కు వేర్పాటువాద అష్రఫ్ నేతృత్వంలోని హురియత్కు ఇదే ప్రధానమైన తేడా.
హిజ్బుల్ ముజాహిదీన్ డివిజినల్ కమాండర్ అయిన సెహ్రాయ్ కుమారుడు జునైద్ సెహ్రాయ్.. ఈ ఏడాది మేలో నవాకాడల్ ప్రాంతంలో జరిగిన ఎన్కౌంటర్లో మరణించాడు.
ఇదీ చూడండి: 'కరోనాపై పోరులో భద్రతా దళాల కృషి అమోఘం'
